Japoniianyń Toyota kompaniiasy suranystyń tómendeýine bailanysty sheteldegi zaýyttarynda kólik óndirisin 100 myń danaǵa qysqartýdy josparlap otyr, dep habarlaidy dalanews.kz.
Interfaks málimetinshe, mundai sheshimge Ormýz buǵazy mańyndaǵy daǵdarystyń uzaqqa sozylýy jáne sonyń saldarynan álemdik naryqtaǵy belgisizdiktiń kúsheiýi sebep bolǵan. Kompaniia óndiris josparlaryn qaita qarap, iri qosalqy bólshek jetkizýshilerine tiisti habarlama jibergen.
Qysqartý 2027 jyldyń naýryzynda aiaqtalatyn aǵymdaǵy qarjy jylyna qatysty. Sonymen birge Toyota Japoniiadaǵy kásiporyndarynda óndiristi azdap arttyrýdy kózdep otyr.
Atap aitqanda, kompaniia jyl sońyna deiin el ishindegi zaýyttarynda bastapqy josparmen salystyrǵanda qosymsha 4,2 myń avtokólik shyǵarmaq. Onyń ishinde suranys joǵary RAV4 jáne Land Cruiser 250 jol talǵamaityn kólikteri bar.
Sarapshylardyń pikirinshe, Taiaý Shyǵystaǵy geosaiasi turaqsyzdyq pen Ormýz buǵazy arqyly munai tasymalyna qatysty qaýipter álemdik avtoónerkásipke qysym kórsetip, suranystyń baiaýlaýyna áser etip otyr.
