Májilis depýtaty Oljas Quspekov kommertsiialyq is-sharalarda politsiia qyzmetkerlerin emes, jeke kúzetti tartý kerek ekenin jetkizdi, dep habarlaidy Dalanews.kz.
Onyń aitýynsha, keiingi kezde Qazaqstanda iri kontsertter men sporttyq matchtar jii ótip jatyr.
"Astanada ótken Djennifer Lopestiń kontsertine shamamen 1300 politsei, al Almatyda 2240 politsiia qyzmetkeri, áskeri men erikti jumyldyryldy. Sonyń saldarynan paradoks jaǵdai qalyptasady: jappai shoý men kontsertterge búkil jeke quram tartylady da, kóshelerdi patrýldeýge adam qalmaidy", – dedi depýtat.
Oljas Quspekov memlekettik resýrstardy tiimdi ári maqsatty paidalaný qajet ekenin aityp, kommertsiialyq is-sharalardyń qaýipsizdigin qamtamasyz etý mindetin jeke sektorǵa júkteý qisyndy ekenin jetkizdi.
"Búginde elimizde 4 myńǵa jýyq jeke kúzet uiymy jumys isteidi. Onda 100 myńnan asa kásibi qyzmetker bar, olar bul mindetti óz moinyna alýǵa daiyn", – dedi ol.
