Almatyda sómkesi aqshaǵa toly adam tonaldy. Qylmys Tóle bi dańǵyly boiynda ornalasqan aqsha aiyrbas oryny mańynda bolǵan. Beimálim er adam qala turǵynynyń sómkesin ashyq túrde tartyp alǵan. Onyń ishinde 13 million teńge bolǵan. Qalalyq politsiia departamenti tonaý faktisin rastady, dep habarlaidy Dalanews.kz.
Jedel-izdestirý is-sharalary barysynda Almaly aýdandyq politsiia basqarmasynyń qyzmetkerleri kúdikti – Almaty qalasynyń 39 jastaǵy turǵynyn anyqtap, ustady.
"Onyń turǵylyqty mekenjaiyn tintý kezinde qylmys jasalǵan sátte beinejazbalarǵa túsken kiimder, aqshalai qarajat jáne basqa da zattai aiǵaqtar tabylyp, tárkilendi. Kúdikti ýaqytsha ustaý izoliatoryna qamaldy. Sotqa deiingi tergeý amaldary júrgizilýde, onyń osyǵan uqsas basqa da derekterge qatysy bar-joǵy tekserilýde", – dedi, Almaly aýdandyq politsiia basqarmasynyń bastyǵy Maqsat Pshan.
Buǵan deiin Qazaqstanda valiýta baǵamy jazylǵan kóshedegi tablolarǵa resmi túrde tyiym salynǵanyn jazǵanbyz.
