Eńbek jáne halyqty áleýmettik qorǵaý ministri Svetlana Jaqypova Almatyda aýtizmi bar balalarǵa qatysty jaǵymsyz pikir bildirgen blogerge eń qatań sheshimdi quqyq qorǵaý organdary qabyldaitynyn málimdedi, dep habarlaidy Dalanews.kz.
"Árine, men bul pikirge qarsymyn. Mundai jaǵdailar men áreketter bolmaýy tiis. Bilesizder, biz inkliýzivti qoǵam quryp jatyrmyz. Osy blogerge qatysty quqyq qorǵaý organdary durys ári eń qatań sheshim qabyldaidy dep oilaimyn", – dedi Jaqypova sársenbi kúni Májilis kýlýarynda.
Ministrdiń aitýynsha, Qazaqstanda múgedektigi bar adamdarǵa qatysty kemsitýshilikke jol berilmeidi, al aýtizmi bar balalar Bilim ministrliginiń, Eńbek ministrliginiń jáne Densaýlyq saqtaý ministrliginiń erekshe baqylaýynda.
"Biz bul balalardy tolyq qoldaimyz", – dep atap ótti Jaqypova.
