Shymkentte sot protsesi kezinde jýrnalistke til kórsetken sýdiaǵa qatysty tekserý jalǵasyn tapty, dep habarlaidy Dalanews.kz.
Sýdialyq ádep jónindegi komissiia Shymkenttegi sot otyrysynda jýrnalistke til kórsetken sýdia Ábinur Qarabaevqa qatysty tekserý materialdaryn Qazaqstannyń Joǵarǵy sot keńesi janyndaǵy sot jiýriine jiberdi.
"Qazirgi tańda bul sheshim zańdy kúshine engen joq. Sýdia Qarabaev ony shaǵymdaný tártibimen qaita qaratýǵa quqyly", – dep habarlady Shymkent qalalyq soty.
Tekserýdiń bastalý sebebi
Oqiǵa Shymkent qalasy ákiminiń orynbasaryna qastandyq jasaý isin qaraý barysynda bolǵan. Sýdia Qarabaev sot zalynda protsesti túsirip otyrǵan jýrnalistke tilin kórsetken. Bul sát túsirilgen video áleýmettik jelilerde tez tarady.
Reportior Botagóz Omarova mundai jaǵdaiǵa alǵash ret kýá bolǵanyn aitty. Sýdianyń mundai áreketke ne sebepti barǵany belgisiz kúiinde qaldy.
Oqiǵadan keiin sottyń baspasóz qyzmeti qyzmettik tekserý bastalǵanyn málimdedi.
"Eger sýdianyń ar-namysyna kir keltiretin áreket jasaǵany rastalsa, materialdar Joǵarǵy sot keńesi janyndaǵy sot jiýriine joldanady", – dep habarlanǵan edi.
Bul protsess Shymkent ákiminiń orynbasary Rýslan Berdenovke jasalǵan qastandyq isine bailanysty ótti. 21 sáýirde ákimdik ǵimaratynyń janynda oǵan oq atylyp, aýyr jaraqat alǵan Berdenov birneshe ota jasatty.
Sot burynǵy «Turǵyn úi Shymkent» JShS qurylys basqarmasynyń direktory Ernar Jienbaidy toǵyz jylǵa bas bostandyǵynan aiyrý jazasyna kesti.
