Eńbek jáne halyqty áleýmettik qorǵaý ministri Svetlana Jaqypova shetelge shyqqan jaǵdaida zeinetaqy tólemderin toqtatý tártibine qatysty túsinikteme berdi, dep habarlaidy Dalanews.kz.
Ministrdiń aitýynsha, vedomstvo zeinetaqyny Qazaqstanda turmaityn ári qos azamattyǵy bar keibir azamattardyń alyp júrgenin anyqtaǵan. Sol sebepti zeinetaqy tólemderin tek elde turaqty turatyndarǵa ǵana baǵyttaý úshin zańnamaǵa túzetýler daiyndalyp jatyr.
Jaqypova bul normanyń shetelge ýaqytsha shyǵatyndarǵa áser etpeitinin basa aitty.
«Qazir tirkeý boiynsha tek zeinetkerlerge emes, jalpy qatańdatý júrip jatyr. Biraq ýaqytsha shyǵýlar tirkelmeidi. Óitkeni onyń (zeinetkerdiń – avt.) turaqty tirkeýi bar, al ol tek ýaqytsha ketti. Sondyqtan bul norma oǵan qatysty qoldanylmaidy», – dedi ministr Úkimet kýlýarynda.
