ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا شەتەلگە شىققان جاعدايدا زەينەتاقى تولەمدەرىن توقتاتۋ تارتىبىنە قاتىستى تۇسىنىكتەمە بەردى، دەپ حابارلايدى Dalanews.kz.
ءمينيستردىڭ ايتۋىنشا، ۆەدومستۆو زەينەتاقىنى قازاقستاندا تۇرمايتىن ءارى قوس ازاماتتىعى بار كەيبىر ازاماتتاردىڭ الىپ جۇرگەنىن انىقتاعان. سول سەبەپتى زەينەتاقى تولەمدەرىن تەك ەلدە تۇراقتى تۇراتىندارعا عانا باعىتتاۋ ءۇشىن زاڭناماعا تۇزەتۋلەر دايىندالىپ جاتىر.
جاقىپوۆا بۇل نورمانىڭ شەتەلگە ۋاقىتشا شىعاتىندارعا اسەر ەتپەيتىنىن باسا ايتتى.
«ءقازىر تىركەۋ بويىنشا تەك زەينەتكەرلەرگە ەمەس، جالپى قاتاڭداتۋ ءجۇرىپ جاتىر. ءبىراق ۋاقىتشا شىعۋلار تىركەلمەيدى. ويتكەنى ونىڭ (زەينەتكەردىڭ – اۆت.) تۇراقتى تىركەۋى بار، ال ول تەك ۋاقىتشا كەتتى. سوندىقتان بۇل نورما وعان قاتىستى قولدانىلمايدى»، – دەدى مينيستر ۇكىمەت كۋلۋارىندا.
