Biýdjetten áleýmettik tólemderdi zańsyz alǵan qos azamattyǵy bar qazaqstandyqtar aqshany memleketke qaitarýǵa májbúr bolady. Bul týraly Májilis dálizinde Eńbek jáne halyqty áleýmettik qorǵaý ministri Svetlana Jaqypova jýrnalisterge bergen suqbatynda aitty, dep habarlaidy Dalanews.kz.
"Zalal somasyn ýákiletti organ - Qarjylyq monitoringi agenttigi aiqyndaidy. Barlyq materialdar tapsyryldy, meniń oiymsha, tergeý júrip jatyr jáne bul somalar qaita ornyna qoiylady", - dedi Svetlana Jaqypova.
Onyń aitýynsha, qarjy organdary zańsyz qansha qarajat alynǵanyn anyqtap, tekserip jatyr. Bul arada Qazaqstan zańdary boiynsha tyiym salynǵan ekinshi azamattyǵyn jasyrǵandar jáne memlekettik tólemderdi alyp kelgen osyndai azamattar týraly sóz bolyp otyr. Bul rette ministr bir mezette úsh memleketten bir mezette zeinetaqy alyp otyrǵan adamdar bolǵanyn
Sonymen qatar ministr zeinetaqy men áleýmettik tólemderdi adal ielenýshilerge bul jaǵdaidyń qatysy joq ekenin, olardyń quqyqtary qorǵalǵanyn naqtylai ketti.
Aita ketsek, búgingi tańda qazaqstandyqtardyń zeinetaqy jinaqtary 24,8 trln teńgeden asty. Jyl basynan beri respýblikalyq biýdjetten 2 trln 451,4 mlrd teńge somasyna zeinetaqy tólendi, onyń ishinde bazalyq zeinetaqyǵa 793 mlrd teńge, yntymaqty zeinetaqyǵa 1 trln 658,4 mlrd teńge baǵyttaldy. 2025 jyldyń 1 tamyzyndaǵy derek boiynsha elimizde zeinetkerler sany 2 mln 497 myń adamdy quraidy.
Buǵan deiin Eńbek ministrligi "konverttegi" jalaqy máselesimen qalai kúreskeli jatqandaryn aityp, óz josparlarymen bólisken.
