Reseidiń Joǵarǵy múftii Talǵat Tadjýddin Muhammed paiǵambar karikatýrasyn «túkke turǵysyz» dep atap, sol úshin soǵysýǵa bolmaidy dep málimdedi. Múftidiń aitqandaryn RBK jariialady.
«Túkke turǵysyz nársege bola soǵys jariialaýǵa bolmaidy. Qudai da, onyń úmbetteri de buny qalamaidy», - dep málimdedi mýfti.
Onyń atap ótkenindei din adamdy týra jolǵa baǵyttaý úshin beriledi. Bul ómirde beibitshilik pen tatýlyq ornatý dinniń basty ustanymy.
"Jaraidy, álgi adamdy dushpan sanap, soǵys jariialadyń delik. Sodan ne uttyń? Odan buryn bir emes, birneshe million adamnyń qarǵysyna qalǵan qarsy tarap ózin qalai sezinedi? Din jolyn qýǵan árbir adam muny aldymen ar-uiat turǵysynan baǵamdap, ashýdy aqylǵa jeńdirýi kerek. Sonda ǵana baq-bereke ornaidy.
Tadjýddin arandatýǵa arbalyp qalmaýǵa shaqyrdy.
"Osydan alty-jeti bul buryn dál osyndai daý boldy. Batystaǵy birneshe el paiǵambardyń sýretin salyp, sońy aiǵai-shýǵa ulasty. Batys elshilikterine shabýyl jasaldy... Frantsýz elshiliginiń aldyna taǵy da nópir adam jinalypty. Nege? Ne úshin", – deidi Talǵat Tadjýddin.
Buǵan qosa, ol Sheshenstan múftiiniń aitqandarynyń onyń jeke pikiri dep sanaidy. Bunyń aldynda sheshen múftii Frantsiia prezidenti Emmanýel Makron men frantsýzdardy barsha musylmannyń jaýy dep málimdegen.
"Muhammed paiǵambar óz ýaǵyzynda kek alý ósiet etken joq, kerisinshe keshire bilýdi joǵary baǵalady. Sondyqtan bireýdi jaý dep jariialaý Islamnyń qundylyǵyna qaishy", – dedi ol.
Biyl 16 qazanda Parijde sheshen ultynyń ókili frantsýz muǵalimin jaýyzdyqpen óltirgen. Muǵalim Charlie Hebdo jýrnalynyń Muhammed paiǵambarǵa salǵan karikatýrasyn sóz bostandyǵy týraly sabaqta oqýshylarǵa mysal retinde kórsetken. Frantsiia prezidenti Makron mundai karikatýralarǵa tyiym salýǵa qarsy shyqty.
