2026 jyldyń 30 sáýirinde Almaty oblysy, Kegen aýylynyń negizgi kireberis nysanynyń irgesinde «Taza Qazaqstan» respýblıkalyq ekologıalyq aksıasymen jáne halyqaralyq «Parkter sherýi – 2026» tabıǵat qorǵaý naýqanymen ushtasqan aımaqtyq mańyzy bar aýqymdy aǵash egý is-sharasy ótti, dep habarlaıdy Dala News.
Bul ekologıalyq joba óńirdiń tabıǵı áleýetin arttyrýmen qatar, eldi mekenniń estetıkalyq kelbetin jańǵyrtýdy jáne Kegen aýylynyń bolashaq «jasyl beldeýiniń» negizin qalaýdy josparlaýda.
Bıylǵy «Parkter sherýi» aksıasy erekshe qorǵalatyn tabıǵı aýmaqtar máselesine jurtshylyqtyń nazaryn aýdardy. Qazaqstanda 1996 jyldan beri dástúrli túrde ótkizilip kele jatqan bul qozǵalys aıasynda Kegen óńirinde de birqatar ekologıalyq is-sharalar, atap aıtqanda «Taza ólke», «Taza aımaq» jáne «Jasyl japyraq» aksıalary júzege asyryldy.
Atalǵan shara oblys basshylyǵynyń tikeleı qoldaýymen uıymdastyrylyp júr.
Atalǵan shara oblys basshylyǵynyń qoldaýymen jáne erekshe qorǵalatyn tabıǵı aýmaqtar máselesine jurtshylyqtyń nazaryn aýdarý maqsatynda uıymdastyryldy. Ekologıalyq aksıaǵa oblystyq jáne aýdandyq deńgeıdegi ókilder, qoǵam qaıratkerleri men depýtattar qatysty. Sonymen qatar, ıgi sharaǵa: jergilikti aýdan halqy men belsendi jastar, BAQ ókilderi men tanymal blogerler, eriktiler men park qyzmetkerleri jumyldyryldy.
Aksıaǵa barlyǵy 1 000-ǵa jýyq adam jumyldyrylady dep kútilýde. Bir kún ishinde barlyǵy 5100 túp aǵash otyrǵyzyldy.
Aýyldyń «jasyl qaqpasyn» qalyptastyrý úshin memleket tarapynan keshendi ınjenerlik jáne daıyndyq jumystary júrgizildi. Olar:
- Aǵash egiletin 7 gektar jer tolyqtaı qorshaldy.
- Bólingen aýmaqqa 2 560 túp aǵash egiledi. Onyń ishinde: 512 aqqaıyń, 512 qaraǵaı, 400 shyrsha, 624 terek jáne 512 qara aǵash bar.
- Jasyl jelektiń saqtalýyn qamtamasyz etý úshin 2 000 metrlik sýǵarý júıesi tartylady.
İs-sharanyń mańyzdy bóligi retinde jeke ınvestordyń áleýmettik jaýapkershiligin atap ótýge de bolady. Óńirde jún men teri óńdeý zaýytyn salyp jatqan «MERGEN HOLDING» JSHS bul bastamaǵa óz úlesin qosýdy jón kóripti. Kompanıa jeke qarajaty esebinen 2 gektar jerdi ıgerip, atalǵan alqapqa 2 000 túp kalıfornıa teregin egý josparlandy.
«Parkter sherýi» – tabıǵatty qorǵaý jáne qorshaǵan orta máselelerin sheshýge baǵyttalǵan halyqaralyq qozǵalys. 2025 jylǵy aksıanyń nátıjesi boıynsha Kegen óńirindegi ulttyq park Orman sharýashylyǵy jáne janýarlar dúnıesi komıtetiniń alǵys hatymen marapattalǵan bolatyn.
Kegen aýylynyń bosaǵasynda boı kóteretin bul jasyl jelek aldaǵy ýaqytta óńirdiń ekologıalyq ahýalyn jaqsartyp, týrısik tartymdylyǵyn arttyratyn mańyzdy nysanǵa aınalady degen senimimiz mol. Bul qadam -tabıǵatty qorǵaý men óndiristik damýdyń úndese alatynynyń jarqyn úlgisi.
Kegenniń «Jasyl qaqpasyn» birge turǵyzaıyq!
