2026 جىلدىڭ 30 ساۋىرىندە الماتى وبلىسى، كەگەن اۋىلىنىڭ نەگىزگى كىرەبەرىس نىسانىنىڭ ىرگەسىندە «تازا قازاقستان» رەسپۋبليكالىق ەكولوگيالىق اكسياسىمەن جانە حالىقارالىق «پاركتەر شەرۋى – 2026» تابيعات قورعاۋ ناۋقانىمەن ۇشتاسقان ايماقتىق ماڭىزى بار اۋقىمدى اعاش ەگۋ ءىس-شاراسى ءوتتى، دەپ حابارلايدى Dala News.
بۇل ەكولوگيالىق جوبا ءوڭىردىڭ تابيعي الەۋەتىن ارتتىرۋمەن قاتار، ەلدى مەكەننىڭ ەستەتيكالىق كەلبەتىن جاڭعىرتۋدى جانە كەگەن اۋىلىنىڭ بولاشاق «جاسىل بەلدەۋىنىڭ» نەگىزىن قالاۋدى جوسپارلاۋدا.
بيىلعى «پاركتەر شەرۋى» اكسياسى ەرەكشە قورعالاتىن تابيعي اۋماقتار ماسەلەسىنە جۇرتشىلىقتىڭ نازارىن اۋداردى. قازاقستاندا 1996 جىلدان بەرى ءداستۇرلى تۇردە وتكىزىلىپ كەلە جاتقان بۇل قوزعالىس اياسىندا كەگەن وڭىرىندە دە ءبىرقاتار ەكولوگيالىق ءىس-شارالار، اتاپ ايتقاندا «تازا ولكە»، «تازا ايماق» جانە «جاسىل جاپىراق» اكسيالارى جۇزەگە اسىرىلدى.
اتالعان شارا وبلىس باسشىلىعىنىڭ تىكەلەي قولداۋىمەن ۇيىمداستىرىلىپ ءجۇر.
اتالعان شارا وبلىس باسشىلىعىنىڭ قولداۋىمەن جانە ەرەكشە قورعالاتىن تابيعي اۋماقتار ماسەلەسىنە جۇرتشىلىقتىڭ نازارىن اۋدارۋ ماقساتىندا ۇيىمداستىرىلدى. ەكولوگيالىق اكسياعا وبلىستىق جانە اۋداندىق دەڭگەيدەگى وكىلدەر، قوعام قايراتكەرلەرى مەن دەپۋتاتتار قاتىستى. سونىمەن قاتار، يگى شاراعا: جەرگىلىكتى اۋدان حالقى مەن بەلسەندى جاستار، ب ا ق وكىلدەرى مەن تانىمال بلوگەرلەر، ەرىكتىلەر مەن پارك قىزمەتكەرلەرى جۇمىلدىرىلدى.
اكسياعا بارلىعى 1 000-عا جۋىق ادام جۇمىلدىرىلادى دەپ كۇتىلۋدە. ءبىر كۇن ىشىندە بارلىعى 5100 ءتۇپ اعاش وتىرعىزىلدى.
اۋىلدىڭ «جاسىل قاقپاسىن» قالىپتاستىرۋ ءۇشىن مەملەكەت تاراپىنان كەشەندى ينجەنەرلىك جانە دايىندىق جۇمىستارى جۇرگىزىلدى. ولار:
- اعاش ەگىلەتىن 7 گەكتار جەر تولىقتاي قورشالدى.
- بولىنگەن اۋماققا 2 560 ءتۇپ اعاش ەگىلەدى. ونىڭ ىشىندە: 512 اققايىڭ، 512 قاراعاي، 400 شىرشا، 624 تەرەك جانە 512 قارا اعاش بار.
- جاسىل جەلەكتىڭ ساقتالۋىن قامتاماسىز ەتۋ ءۇشىن 2 000 مەترلىك سۋعارۋ جۇيەسى تارتىلادى.
ءىس-شارانىڭ ماڭىزدى بولىگى رەتىندە جەكە ينۆەستوردىڭ الەۋمەتتىك جاۋاپكەرشىلىگىن اتاپ وتۋگە دە بولادى. وڭىردە ءجۇن مەن تەرى وڭدەۋ زاۋىتىن سالىپ جاتقان «MERGEN HOLDING» ج ش س بۇل باستاماعا ءوز ۇلەسىن قوسۋدى ءجون كورىپتى. كومپانيا جەكە قاراجاتى ەسەبىنەن 2 گەكتار جەردى يگەرىپ، اتالعان القاپقا 2 000 ءتۇپ كاليفورنيا تەرەگىن ەگۋ جوسپارلاندى.
«پاركتەر شەرۋى» – تابيعاتتى قورعاۋ جانە قورشاعان ورتا ماسەلەلەرىن شەشۋگە باعىتتالعان حالىقارالىق قوزعالىس. 2025 جىلعى اكسيانىڭ ناتيجەسى بويىنشا كەگەن وڭىرىندەگى ۇلتتىق پارك ورمان شارۋاشىلىعى جانە جانۋارلار دۇنيەسى كوميتەتىنىڭ العىس حاتىمەن ماراپاتتالعان بولاتىن.
كەگەن اۋىلىنىڭ بوساعاسىندا بوي كوتەرەتىن بۇل جاسىل جەلەك الداعى ۋاقىتتا ءوڭىردىڭ ەكولوگيالىق احۋالىن جاقسارتىپ، تۋريستىك تارتىمدىلىعىن ارتتىراتىن ماڭىزدى نىسانعا اينالادى دەگەن سەنىمىمىز مول. بۇل قادام -تابيعاتتى قورعاۋ مەن وندىرىستىك دامۋدىڭ ۇندەسە الاتىنىنىڭ جارقىن ۇلگىسى.
كەگەننىڭ «جاسىل قاقپاسىن» بىرگە تۇرعىزايىق!
