Aqtóbe oblysynda kartopty ótkizý kezinde zań buzýshylyqtar anyqtaldy, dep habarlaıdy Dala News.
Qazaqstan Respýblıkasynyń Básekelestikti qorǵaý jáne damytý agenttiginiń Aqtóbe oblysy boıynsha departamenti júrgizgen tekserý barysynda taýar bırjalary arqyly satý talaptarynyń saqtalmaǵany belgili boldy.
Qoldanystaǵy erejelerge sáıkes, kartop sıaqty bırjalyq taýarlar 60 tonnadan asqan jaǵdaıda mindetti túrde taýar bırjasy arqyly satylýy tıis.
Alaıda tekserý kezinde belgilengen kólemnen asatyn kartop partıalaryn tikeleı satý boıynsha 12 derek anyqtalǵan.
Osy zań buzýshylyqtarǵa baılanysty naryq sýbektilerine qatysty Ákimshilik quqyq buzýshylyq týraly kodekstiń 268-baby 3-bóligi boıynsha 8 ákimshilik hattama toltyrylǵan.
Aıyppuldar qysqartylǵan tártippen, ıaǵnı 50 paıyz jeńildikpen salynǵan. Jalpy somasy 2 mln teńgeden asty.
Qazirgi ýaqytta barlyq aıyppuldar tolyq kólemde tólengen.
