Qazaqstan baspasóz erkindigi reitinginde segiz satyǵa tómendedi, dep habarlaidy Dala News.
Halyqaralyq "Reportery bez granits" uiymynyń 2026 jylǵy indeksine sáikes, Qazaqstan 180 eldiń ishinde 149-orynǵa turaqtap, 34,41 ball jinaǵan.
«Indeks 2026. 149 iz 180. Otsenka: 34,41», - delingen esepte.
Osylaisha, el bir jyl ishinde segiz pozitsiiaǵa tómendedi. 2025 jyly Qazaqstan 141-orynda bolǵan.
Uiym esebinde Qazaqstandaǵy jaǵdaidyń ózgerip jatqany, biraq qysymnyń jańa formalary kúsheigeni atap ótiledi.
«Onlain jańalyqtardyń sapasy jaqsaryp jatqanymen, baspasózge qysym modernizatsiialanýda. Internetke baqylaý kúsheiip keledi, bul táýelsiz medianyń pikir bildire alatyn jalǵyz alańy bolyp otyr», - delingen baiandamada.
Aimaqta Qazaqstan kórshiles eldermen shamalas deńgeide qalyp otyr. Qyrǵyzstan 146-orynda, Ózbekstan 147-orynda, Tájikstan 155-orynda ornalasqan.
Postkeńestik keńistikte eń tómen nátije Túrikmenstanǵa tiesili – 173-oryn. Resei 172-orynda, Belarýs 165-orynda, Ázerbaijan 171-orynda tur.
Ýkraina 55-orynǵa ie bolyp, 66,1 ball jinaǵan.
Al álemde baspasóz erkindigi eń joǵary elder retinde Norvegiia, Niderlandy jáne Estoniia ataldy.
Qorytyndylai kele, Qazaqstan reitingte tómendep, mediaǵa qysymnyń saqtalyp otyrǵany halyqaralyq deńgeide taǵy da tirkeldi.
