Úlken Almaty kóline baratyn jolda kólik qatynasyna shekteý qoiyldy, dep habarlaidy Dalanews.kz.
Bul týraly Óńirlik kommýnikatsiialar qyzmetinde ótken baspasóz konferentsiiasynda Ile-Alataý memlekettik ulttyq tabiǵi parki Medeý bólimshesine qarasty Úlken Almaty ormanshylyǵynyń mamany Murat Rysqul aitty. Ile-Alataý memlekettik ulttyq tabiǵi parki aýmaǵynda qazir 46 týristik baǵyt bar, onyń 38-i jumys istep tur.
"Jyl saiyn jazǵy kezeńde týristik baǵyttardy baqylaýdy kúsheitemiz, sebebi keletinder kóp. Barlyq qoldanystaǵy baǵyt memlekettik inspektorlardyń baqylaýynda. Negizgi mindet - týristerdiń jaily ári qaýipsiz demalysyn qamtamasyz etý", - deidi Murat Rysqul.
Úlken Almaty kóline aparatyn baǵyt - adam eń kóp baratyn orynnyń biri. Munda jeke kólikterdiń, mototehnikanyń, elektrsamokat, elektr velosiped, basqa da quraldardyń júrýine tyiym salynǵan.
"Kólge aparatyn jol kúrdeli taý bederi arqyly ótedi. Kóliktiń ártúrli túri aralasyp ketkende jol apaty jiilep ketýi múmkin", - dedi ol.
Qazir ulttyq parkte keshendi jumystar júrgizilip jatyr.
