ٷلكەن الماتى كٶلٸنە باراتىن جولدا كٶلٸك قاتىناسىنا شەكتەۋ قويىلدى, دەپ حابارلايدى Dalanews.kz.
بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز كونفەرەنتسيياسىندا ٸلە-الاتاۋ مەملەكەتتٸك ۇلتتىق تابيعي پاركٸ مەدەۋ بٶلٸمشەسٸنە قاراستى ٷلكەن الماتى ورمانشىلىعىنىڭ مامانى مۇرات رىسقۇل ايتتى. ٸلە-الاتاۋ مەملەكەتتٸك ۇلتتىق تابيعي پاركٸ اۋماعىندا قازٸر 46 تۋريستٸك باعىت بار, ونىڭ 38-ٸ جۇمىس ٸستەپ تۇر.
"جىل سايىن جازعى كەزەڭدە تۋريستٸك باعىتتاردى باقىلاۋدى كٷشەيتەمٸز, سەبەبٸ كەلەتٸندەر كٶپ. بارلىق قولدانىستاعى باعىت مەملەكەتتٸك ينسپەكتورلاردىڭ باقىلاۋىندا. نەگٸزگٸ مٸندەت - تۋريستەردٸڭ جايلى ەرٸ قاۋٸپسٸز دەمالىسىن قامتاماسىز ەتۋ", - دەيدٸ مۇرات رىسقۇل.
ٷلكەن الماتى كٶلٸنە اپاراتىن باعىت - ادام ەڭ كٶپ باراتىن ورىننىڭ بٸرٸ. مۇندا جەكە كٶلٸكتەردٸڭ, موتوتەحنيكانىڭ, ەلەكترساموكات, ەلەكتر ۆەلوسيپەد, باسقا دا قۇرالداردىڭ جٷرۋٸنە تىيىم سالىنعان.
"كٶلگە اپاراتىن جول كٷردەلٸ تاۋ بەدەرٸ ارقىلى ٶتەدٸ. كٶلٸكتٸڭ ەرتٷرلٸ تٷرٸ ارالاسىپ كەتكەندە جول اپاتى جيٸلەپ كەتۋٸ مٷمكٸن", - دەدٸ ول.
قازٸر ۇلتتىق پاركتە كەشەندٸ جۇمىستار جٷرگٸزٸلٸپ جاتىر.
