Osy júzdesýde Amandyq Batalov «Jetisý» telearnasynda uzaq jyl Beısen Quranbekpen birge jumys istegen áriptesterimen birge abzal azamattyń kisilik kelbetin, dara bolmysyn eske aldy. Jyly estelikter aıtylyp, marqumnyń jarqyn beınesin júrekterde taǵy bir jańǵyrtty.
Amandyq Batalov Beısenniń jary Gúlmıra Qadyrqyzyna gúl shoqtaryn usynyp, tilegin bildirdi.
– Beısen óziniń qysqa ǵumyrynda aqqan juldyzdaı jarq etip, artyna óshpes iz qaldyryp ketti. Beısendi halyq eshqashan umytpaıdy. Parlament Májilisiniń tóraǵasy Nurlan Zaırollaulynyń qolynan osyndaı úlken marapat berilip jatqany sonyń kórinisi. Beısenniń aty, atqarǵan isi áli jyl ótken saıyn jańǵyryp, bıikteı beredi. Asyl azamattyń jarqyn beınesi bizdiń júregimizde. Ózderiń aman-esen bolyńdar, urpaqtary aman bolsyn! – dedi oblys ákimi marqumnyń otbasyna izgi lebizin aıtty.
