وسى جۇزدەسۋدە اماندىق باتالوۆ «جەتىسۋ» تەلەارناسىندا ۇزاق جىل بەيسەن قۇرانبەكپەن بىرگە جۇمىس ىستەگەن ارىپتەستەرىمەن بىرگە ابزال ازاماتتىڭ كىسىلىك كەلبەتىن، دارا بولمىسىن ەسكە الدى. جىلى ەستەلىكتەر ايتىلىپ، مارقۇمنىڭ جارقىن بەينەسىن جۇرەكتەردە تاعى ءبىر جاڭعىرتتى.
اماندىق باتالوۆ بەيسەننىڭ جارى گۇلميرا قادىرقىزىنا گۇل شوقتارىن ۇسىنىپ، تىلەگىن ءبىلدىردى.
– بەيسەن ءوزىنىڭ قىسقا عۇمىرىندا اققان جۇلدىزداي جارق ەتىپ، ارتىنا وشپەس ءىز قالدىرىپ كەتتى. بەيسەندى حالىق ەشقاشان ۇمىتپايدى. پارلامەنت ءماجىلىسىنىڭ ءتوراعاسى نۇرلان زايروللا ۇلىنىڭ قولىنان وسىنداي ۇلكەن ماراپات بەرىلىپ جاتقانى سونىڭ كورىنىسى. بەيسەننىڭ اتى، اتقارعان ءىسى ءالى جىل وتكەن سايىن جاڭعىرىپ، بيىكتەي بەرەدى. اسىل ازاماتتىڭ جارقىن بەينەسى ءبىزدىڭ جۇرەگىمىزدە. وزدەرىڭ امان-ەسەن بولىڭدار، ۇرپاقتارى امان بولسىن! – دەدى وبلىس اكىمى مارقۇمنىڭ وتباسىنا ىزگى لەبىزىن ايتتى.
