Munaily aýdanynda halyq emin júrgizý kezinde naýqastyń ólimine qatysty is boiynsha úkim qaita qaraldy, dep habarlaidy Dalanews.kz.
Lada.kz málimetinshe, apelliatsiialyq sot alqasy buǵan deiingi úkimdi tym qatań dep tanyp, jazany jeńildetken.
Is materialdaryna sáikes, 19 naýryzda Munaily aýdandyq soty jergilikti turǵyn B.-ny Qylmystyq kodekstiń 104-baby 1-bóligi (abaisyzda adam ólimine ákep soǵý) boiynsha kináli dep tanyǵan. 49 jastaǵy áiel Aqtaýdaǵy №1 qalalyq emhanada medbike bolyp jumys istegen jáne arnaiy bilimi men litsenziiasy bolmaǵanyna qaramastan, úiinde «halyq emi» qyzmetin kórsetken.
Sot dereginshe, 2025 jylǵy 26 qarashada keshki ýaqytta ol Munaily aýdanyndaǵy Mańǵystaý aýylyndaǵy úiinde kelýshini «emdeý» barysynda onyń moinyn qolymen qysyp, saldarynan er adam oqiǵa ornynda kóz jumǵan.
Birinshi satydaǵy sot oǵan 1 jyl 6 ai bas bostandyǵynan aiyrý jazasyn taǵaiyndaǵan. Alaida kámeletke tolmaǵan balasy bar ekeni eskerilip, jaza óteý keiinge qaldyrylǵan.
Úkimmen kelispegen qorǵaýshylar apelliatsiialyq shaǵym túsirgen. Olar sottalýshynyń kinásin tolyq moiyndaǵanyn jáne jábirlenýshi taraptyń keshirim bergenin alǵa tartyp, jazany jeńildetýdi suraǵan.
Mańǵystaý oblystyq sotynyń qylmystyq ister jónindegi alqasy isti qarap, jeńildetetin mán-jailar tolyq eskerilmegen degen qorytyndyǵa kelgen. Sonymen qatar bul qylmys aýyr emes sanatqa jatatyny jáne bap sanktsiiasy balama jazalardy qarastyratyny atap ótildi.
Nátijesinde apelliatsiialyq instantsiia úkimdi ózgertip, áielge 1 jyl 6 ai merzimge bas bostandyǵyn shekteý jazasyn taǵaiyndady. Oǵan probatsiialyq baqylaý belgilenip, turǵylyqty jeri men jumysyn ruqsatsyz ózgertýge, oiyn-saýyq oryndaryna barýǵa, alkogol qoldanylatyn jerlerde bolýǵa jáne túngi ýaqytta (22:00-den 06:00-ge deiin) úiden shyǵýǵa tyiym salyndy.
Sondai-aq sot oǵan emshilikpen ainalysýǵa tyiym saldy.
