Búgin Abai ýniversitetinde «Bos oryndar jármeńkesi» bolyp ótti. Maqsaty – joǵary oqý ornyn támamdaǵaly otyrǵan túlekterdi jumys berýshilermen tikelei bailanystyryp, olardyń kásibi baǵdaryn aiqyndaýǵa kómektesý. Jármeńkede 250-jýyq mekeme jas mamandarǵa arnalǵan bos jumys oryndaryn usynyp, bolashaq pedagogtardy ózderine jumysqa shaqyrdy, dep habarlaidy Dalanews.kz.
Abai ýniversitetinde jumys berýshilermen seriktestik jyldan-jylǵa nyǵaiyp kele jatyr. Máselen, ýniversitet byltyr 64 mekememen memorandýmǵa otyrsa, biyl bul kórsetkish 78-ge jetken. Sonymen qatar 175 bilim berý uiymymen turaqty kelisimshart negizinde tájiribe bazasy retinde jumys isteidi. Bul – sapaly maman daiarlaýdaǵy naqty nátije.
Jumys berýshiler ózderine qajetti sapaly kadr tańdaýda osyndai is-sharalardyń mańyzdy ekenin aitady. Solardyń biri ýniversitet keshegi túlegi, búgingi Almaty qalalyq №171 mekteptiń direktory Nurdaýlet Serikuly:
– Biz osy bilim ordasynda sapaly bilim men taǵylymdy tárbie aldyq. Ustazdardan úirengenimiz kásibi ómirimizde úlken ról atqardy. Tabysqa jetýdiń basty joly – adal eńbek pen úzdiksiz izdenis, – deidi.
Bos jumys oryndar jármeńkesine elimizdiń túkpir-túkpirinen kelgen 250-ge jýyq mekeme qatysty. Olardyń qatarynda mektepter, kolledjder, balabaqshalar men bilim berý uiymdary bar. Jumys berýshiler jármeńkede túrli baǵyttaǵy 1214 bos jumys ornyn usyndy.
Is-shara aiasynda «mansap-bosoryn.kz» tsifrlyq platformasy tanystyrylyp, túlekterge onlain túrde jumysqa ótinim berý múmkindigi is júzinde kórsetildi Munda bos jumys oryndary jariialanyp, bitirýshi túlekter tikelei ótinim bere alady. Jiberilgen ótinimder birden jumys berýshiniń elektrondy poshtasyna jáne WhatsApp bailanys nómirine joldanady. Sol arqyly jumysqa ornalasý úderisi jedel, ashyq ári tiimdi formatta júrgiziledi.
Aita keteiik, biyl Abai ýniversitetin bakalavriat deńgeiinde 81 bilim berý baǵdarlamasy boiynsha 2800 stýdent támamdaidy. Olardyń basym kópshiligi shet tili, qazaq tili men ádebieti jáne dene shynyqtyrý pániniń muǵalimderi. Al 52 mamandyqpen 688 bilim alýshy magistr ǵylymi dárejesin alyp, eńbek naryǵyna jol tartpaq. Bitirýshi túlekterdiń shamamen 70 paiyzy memlekettik bilim granty negizinde oqyǵan.
