Almatyda Sain kóshesinde qoǵamdyq kólikke arnalǵan arnaiy jolaq iske qosylady, dep habarlaidy dalanews.kz.
20 maýsymnan bastap Sain kóshesiniń Rysqulov dańǵylynan Mustafin kóshesine deiingi bóliginde pilottyq rejimde qoǵamdyq kólikke arnalǵan arnaiy jolaq jumys istei bastaidy. Bul týraly Almaty qalasynyń Jol qozǵalysy jáne jolaýshylar kóligin uiymdastyrý basqarmasynyń ókilderi aitty.
Jobany iske qosý aiasynda jol qyzmetteri arnaiy sary tústi jolaqtardy syzý jáne tiisti jol belgilerin ornatý jumysyn bastap ketken. Barlyq jumysty 19 maýsymǵa deiin aiaqtaý josparlanyp otyr.
Basqarma ókilderiniń málimetinshe, arnaiy jolaqty engizýdiń maqsaty - qoǵamdyq kólik qozǵalysynyń tiimdiligin arttyrý, jol qozǵalysyn retteý jáne qalanyń eń qarqyndy kólik dálizderiniń birinde qaýipsizdikti kúsheitý.
