2025 jyly Qazaqstan ekonomikasy ósim kórsetkenine qaramastan, halyqtyń naqty tabysy tómendegen. Bul týraly Halyk Finance taldaýynda aitylǵan, dep habarlaidy Dalanews.kz.
Sarapshylardyń málimetinshe, negizgi sebep – infliatsiialyq qysymnyń kúsheiýi. Sonyń saldarynan azamattardyń satyp alý qabileti álsiregen.
Resmi derekterge sáikes, 2025 jyly qazaqstandyqtardyń naqty aqshalai tabysy ótken jylmen salystyrǵanda 1,7%-ǵa azaiǵan. Al sol kezeńde eldiń jalpy ishki ónimi (JIÓ) 6,5%-ǵa ósken.
Sonymen qatar, úi sharýashylyqtarynyń naqty shyǵystary da qysqaryp, 1,1%-ǵa tómendegen. Tutyný qurylymynda da ózgerister baiqalady: azyq-túlikke jumsalatyn shyǵyndardyń úlesi 52%-ǵa deiin artqan (buryn 50,6% bolǵan), al azyq-túlik emes taýarlarǵa jumsalatyn qarajat kerisinshe azaiǵan.
Halyq tabysynyń negizgi bóligin eńbek qyzmetinen túsetin kirister quraidy – 74,9%. Alaida 2025 jyldyń qańtar-jeltoqsan ailary aralyǵynda naqty jalaqy 1,4%-ǵa tómendegen.
