Almatydaǵy aýa sapasyna júrgizilgen qoǵamdyq monitoring qorytyndysy jariialandy. Bul týraly óńirlik kommýnikatsiialar qyzmetinde ótken brifingte Almaty Air Initiative qorynyń direktory Juldyz Sáýlebekova málimdedi, dep habarlaidy Dalanews.kz.
Onyń aitýynsha, biylǵy alǵashqy tórt aida 52 kún boiy qaladaǵy aýa lastanýy joǵary deńgeide tirkelgen. Bul shamamen árbir ekinshi kúni aýa sapasy nasharlaǵanyn bildiredi. 19 kúnde ǵana aýa taza bolǵan. Sonymen qatar, PM2.5 usaq bólshekteriniń ortasha mólsheri belgilengen normadan edáýir asyp ketken.
Qor mamandary monitoring júrgizý úshin qala aýmaǵyna 170 arnaiy datchik ornatqan. Zertteý nátijesi kólik máselesine erekshe nazar aýdarý qajet ekenin kórsetken. Sebebi azot dioksidiniń deńgeii ruqsat etilgen mólsherden joǵary bolyp shyqqan.
Málimetke súiensek, Almatydaǵy kólikterdiń 55 paiyzdan astamy 10 jyldan beri paidalanylyp keledi. Al ekologiialyq sanaty tómen kólikter ziian shyǵaryndylardyń 80 paiyzyna deiin bóledi. Ásirese, júk kólikteriniń áseri joǵary. Mamandardyń esebinshe, bir júk kóliginiń ekologiiaǵa keltiretin ziiany 20 jeńil kólikke teń.
Sarapshylar máseleni sheshý úshin keshendi sharalar qajet ekenin aitady.
