Respýblıkalyq olımpıada QR Bilim jáne ǵylym mınıstirliginiń №99 buıryǵyna sáıkes uıymdastyrylýda. Jyl saıyn ótetin saıystyń bıylǵy ereksheligi, «Ustudy» ortalyqtarynyń bazasynda ótkizilýi.
Búgingi kúni, bilim saıysyna el aýmaǵynda 1582 bala qatysyp, baǵyn synaýda, sonyń ishinde Almaty oblysynan 81 oqýshy úzdik shyǵýǵa kúresip baqpaq.
Oqýshylar, qoǵamdyq gýmanıtarlyq jáne jaratylystaný baǵyty boıynsha bilim deńgeılerin baıqap kórmek. 33 bala gýmanıtarlyq, 48 oqýshy jaratylystaný baǵytynda synaq tapsyrady. Aıta keteıik, olımpıadaǵa 9-11 synyp oqýshylary qatysýda.
– Jalpy bilim beretin pánder negizinde jasaqtalǵan jarys 4 kezeńnen turady. Olar, mektemishilik, aýdandyq, oblystyq, respýblıkalyq. Búgin oblys kóleminde top jarǵan jas daryndar baqtaryn synaǵaly otyr. Testileý eki kúnge jalǵasady. 29 sáýir kúni barlyq qorytyndylar shyǵyp, qatysýshylar nátıjelerin biletin bolady. Olımpıadanyń jeńimpazdary halyqaralyq deńgeıdegi jarystarǵa qatysýǵa múmkindik alady, – deıdi «Jetisý daryny» KMM-niń basshysy Alısher Basharov.
Olımpıada «bir qatysýshy – bir kompúter – bir kamera» qaǵıdasy men proktorıng júıesin qoldaný arqyly ótedi.
Synaq tapsyrmalary «Daryn» RǴPO ınternet resýrsy arqyly ár týrdyń basyna bir ýaqytta usynylady jáne árbir qatysýshynyń aldyn ala berilgen jeke qol jetkizý kody bolady. Týr aıaqtalǵannan keıin qatysýshylardyń skanerlengen jumystary shıfrlanady jáne qazylar alqasynyń múshelerine tekserýge jiberiledi. Tapsyrmalar boıynsha durys jaýaptar jáne týrlardyń nátıjeleri bar hattamalar da «Daryn» RǴPO saıtynda jarıalanady.
Anar Sabyrova, Almaty oblysy.
