Respýblikalyq olimpiada QR Bilim jáne ǵylym ministirliginiń №99 buiryǵyna sáikes uiymdastyrylýda. Jyl saiyn ótetin saiystyń biylǵy ereksheligi, «Ustudy» ortalyqtarynyń bazasynda ótkizilýi.
Búgingi kúni, bilim saiysyna el aýmaǵynda 1582 bala qatysyp, baǵyn synaýda, sonyń ishinde Almaty oblysynan 81 oqýshy úzdik shyǵýǵa kúresip baqpaq.
Oqýshylar, qoǵamdyq gýmanitarlyq jáne jaratylystaný baǵyty boiynsha bilim deńgeilerin baiqap kórmek. 33 bala gýmanitarlyq, 48 oqýshy jaratylystaný baǵytynda synaq tapsyrady. Aita keteiik, olimpiadaǵa 9-11 synyp oqýshylary qatysýda.
Olimpiada «bir qatysýshy – bir kompiýter – bir kamera» qaǵidasy men proktoring júiesin qoldaný arqyly ótedi.
Synaq tapsyrmalary «Daryn» RǴPO internet resýrsy arqyly ár týrdyń basyna bir ýaqytta usynylady jáne árbir qatysýshynyń aldyn ala berilgen jeke qol jetkizý kody bolady. Týr aiaqtalǵannan keiin qatysýshylardyń skanerlengen jumystary shifrlanady jáne qazylar alqasynyń múshelerine tekserýge jiberiledi. Tapsyrmalar boiynsha durys jaýaptar jáne týrlardyń nátijeleri bar hattamalar da «Daryn» RǴPO saitynda jariialanady.
Anar Sabyrova, Almaty oblysy.
