Túrkistan oblysyndaǵy avtomobıl joldarynyń jaqsy jáne qanaǵattanarlyq jaǵdaıy bıyl 81,4%-ǵa joǵarlamaq. Oblystaǵy jalpy paıdalanymdaǵy avtomobıl joldary men eldi meken kósheleriniń sapasyn arttyrý máselesi oblys ákimi Ómirzaq Shókeevtiń tóraǵalyǵymen ótken májiliste talqylandy. Otyrysqa tıisti quzyrly mekemelerdiń basshylary men aýdan, qala ákimderi qatysty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.   

Májiliste oblystyq jolaýshylar kóligi jáne avtomobıl joldary basqarmasynyń basshysy R.Ibragımov, «QazAvtoJol» UK» AQ Túrkistan oblystyq fılıaly dırektorynyń orynbasary E.Kenjehanov, «Ulttyq jol aktıvteri sapasy ortalyǵy» RMK Túrkistan oblysy boıynsha fılıalynyń dırektory M. Ahmetov baıandama jasady.

Bıyl avtomobıl joldarynyń qurylys-jóndeý jumystarymen 400-ge jýyq nysan, ne 1250 shaqyrymdaı joldar men eldi meken kósheleri qamtylyp, aǵymdaǵy jyly 780 shaqyrymnan astam jol paıdalanýǵa beriledi dep kútilýde. Jyl qorytyndysymen oblystyq jáne aýdandyq mańyzy bar avtomobıl joldarynyń jaqsy jáne qanaǵatty jaǵdaıdaǵy úlesin 79%-dan 81,4%-ǵa deıin arttyrý josparlanýda.

Jınalysta avtomobıl joldarynyń sapasyn arttyrý boıynsha atqarylǵan jumystar jáne qabyldanýy qajet is-sharalar talqylandy. Odan bólek, saladaǵy ózekti máselelerge toqtalyp, usynystar qaraldy.

Májiliste oblys ákimi tarapynan jol sapasyn arttyrýǵa qatysty birqatar tapsyrmalar berildi. Jyl saıyn joldardy jóndeýge jumsalatyn qarjynyń turaqty bólinýin jáne joldardy jyl boıyna kútip ustaýǵa jetkilikti qarjyny qaraý tapsyryldy.

Sondaı-aq jóndeýden ótken joldardy merziminen buryn buzylýyn boldyrmaý úshin aýyr salmaqty júk kólikteriniń qozǵalysyn retteý júkteldi. Oblys ákimi Ómirzaq Shókeev oblys úshin mańyzdy Shymkent, Túrkistan, Saryaǵash aınalma joldarynyń qurylysyn bastaý boıynsha QR Indýstrıa jáne ınfraqurylymdyq damý mınıstrligimen tıisti jumystar júrgizý qajettigin aıtty.

Túrkistan oblysyndaǵy joldardyń jalpy uzyndyǵy 18 myń shaqyrymdy quraıdy. Ótken jyly atqarylǵan jumystardyń nátıjesinde oblystyq jáne aýdandyq mańyzy bar avtomobıl joldarynyń jaqsy jáne qanaǵattanarlyq jaǵdaıdaǵy úlesi 74,1%-dan  79%-ǵa qol jetkizildi. 2020 jyly 900-ge jýyq ne 2 myń shaqyrymǵa jýyq avtomobıl joldary qamtyldy.



Qurylys-montajdaý jumystaryn atqarý kezinde kemshilikterge jol bergeni úshin merdiger, tehnıkalyq jáne avtorlyq qadaǵalaýshy mekemelerge aıyppuldar salyndy. Eskertýler berilip, 58 myń sharshy metrden astam asfált jamylǵysy, 6,2 shaqyrym jol negizi buzylyp, qaıta salyndy. «Sapaly jol-Adaldyq alańy» jobasy aıasynda anyqtalǵan barlyq aqaýlar qalpyna keltirildi.