ماجىلىستە وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ر.يبراگيموۆ، «قازاۆتوجول» ۇك» اق تۇركىستان وبلىستىق فيليالى ديرەكتورىنىڭ ورىنباسارى ە.كەنجەحانوۆ، «ۇلتتىق جول اكتيۆتەرى ساپاسى ورتالىعى» رمك تۇركىستان وبلىسى بويىنشا فيليالىنىڭ ديرەكتورى م. احمەتوۆ بايانداما جاسادى.
بيىل اۆتوموبيل جولدارىنىڭ قۇرىلىس-جوندەۋ جۇمىستارىمەن 400-گە جۋىق نىسان، نە 1250 شاقىرىمداي جولدار مەن ەلدى مەكەن كوشەلەرى قامتىلىپ، اعىمداعى جىلى 780 شاقىرىمنان استام جول پايدالانۋعا بەرىلەدى دەپ كۇتىلۋدە. جىل قورىتىندىسىمەن وبلىستىق جانە اۋداندىق ماڭىزى بار اۆتوموبيل جولدارىنىڭ جاقسى جانە قاناعاتتى جاعدايداعى ۇلەسىن 79%-دان 81،4%-عا دەيىن ارتتىرۋ جوسپارلانۋدا.
جينالىستا اۆتوموبيل جولدارىنىڭ ساپاسىن ارتتىرۋ بويىنشا اتقارىلعان جۇمىستار جانە قابىلدانۋى قاجەت ءىس-شارالار تالقىلاندى. ودان بولەك، سالاداعى وزەكتى ماسەلەلەرگە توقتالىپ، ۇسىنىستار قارالدى.
ماجىلىستە وبلىس اكىمى تاراپىنان جول ساپاسىن ارتتىرۋعا قاتىستى ءبىرقاتار تاپسىرمالار بەرىلدى. جىل سايىن جولداردى جوندەۋگە جۇمسالاتىن قارجىنىڭ تۇراقتى ءبولىنۋىن جانە جولداردى جىل بويىنا كۇتىپ ۇستاۋعا جەتكىلىكتى قارجىنى قاراۋ تاپسىرىلدى.
سونداي-اق جوندەۋدەن وتكەن جولداردى مەرزىمىنەن بۇرىن بۇزىلۋىن بولدىرماۋ ءۇشىن اۋىر سالماقتى جۇك كولىكتەرىنىڭ قوزعالىسىن رەتتەۋ جۇكتەلدى. وبلىس اكىمى ءومىرزاق شوكەيەۆ وبلىس ءۇشىن ماڭىزدى شىمكەنت، تۇركىستان، سارىاعاش اينالما جولدارىنىڭ قۇرىلىسىن باستاۋ بويىنشا ق ر يندۋستريا جانە ينفراقۇرىلىمدىق دامۋ مينيسترلىگىمەن ءتيىستى جۇمىستار جۇرگىزۋ قاجەتتىگىن ايتتى.
تۇركىستان وبلىسىنداعى جولداردىڭ جالپى ۇزىندىعى 18 مىڭ شاقىرىمدى قۇرايدى. وتكەن جىلى اتقارىلعان جۇمىستاردىڭ ناتيجەسىندە وبلىستىق جانە اۋداندىق ماڭىزى بار اۆتوموبيل جولدارىنىڭ جاقسى جانە قاناعاتتانارلىق جاعدايداعى ۇلەسى 74،1%-دان 79%-عا قول جەتكىزىلدى. 2020 جىلى 900-گە جۋىق نە 2 مىڭ شاقىرىمعا جۋىق اۆتوموبيل جولدارى قامتىلدى.
قۇرىلىس-مونتاجداۋ جۇمىستارىن اتقارۋ كەزىندە كەمشىلىكتەرگە جول بەرگەنى ءۇشىن مەردىگەر، تەحنيكالىق جانە اۆتورلىق قاداعالاۋشى مەكەمەلەرگە ايىپپۇلدار سالىندى. ەسكەرتۋلەر بەرىلىپ، 58 مىڭ شارشى مەتردەن استام اسفالت جامىلعىسى، 6،2 شاقىرىم جول نەگىزى بۇزىلىپ، قايتا سالىندى. «ساپالى جول-ادالدىق الاڭى» جوباسى اياسىندا انىقتالعان بارلىق اقاۋلار قالپىنا كەلتىرىلدى.
