Jýyrda Aqtóbede bes bala Prezident pen qazaqstandyqtardan kómek surap, videoúndeý jariialaǵan edi. Balalardyń aitýynsha, anasy bir kúnniń ishinde májbúrli túrde psihiatriialyq aýrýhanaǵa jatqyzylyp, al ózderi ortalyqqa jiberilgen.
Aqtóbelik bes balanyń anasyna qatysty jańa derek shyqty. Bul týraly áleýmettik jelide belsendi Aqmaral Basirova málimdedi, dep habarlaidy Dalanews.kz.
Onyń aitýynsha, kópbalaly ana týraly aqparat sońǵy kúnderi qoǵamda úlken rezonans týdyrǵan.
"Biz basynan bastap oǵan qoiylǵan diagnozben kelispegenbiz. Sebebi Juldyzdy psihiatriialyq aýrýhanaǵa jalǵan aqparat negizinde, týysy – óz ápkesiniń aryzy arqyly jatqyzǵan. Bul jaǵdai anany tereń kúizeliske túsirip, balalaryna da aýyr soqqy boldy. Alaida shyndyq túbinde ashylatynyna biz sendik!!! Jaqynda Juldyz hanym Almaty qalasyndaǵy Respýblikalyq psihikalyq densaýlyq ortalyǵyna jiberildi. On kún boiy psihologtar, professorlar, dotsentter jáne kafedra meńgerýshileri kásibi túrde keshendi tekseris júrgizdi.
Búgin 24 mamannan quralǵan konsiliým Juldyzdyń jaǵdaiyn qarap, qorytyndy jasady. Tolyqtai saý degen! Bul saraptama - shyndyqty qalpyna keltirý jolyndaǵy mańyzdy qadam", - dedi ol.
Aqmaral Basirova bul jaitqa bailanysty ádildikti talap etti.
Eske salaiyq, buǵan deiin balalarǵa úi beriletini habarlandy.
