جۋىردا اقتٶبەدە بەس بالا پرەزيدەنت پەن قازاقستاندىقتاردان كٶمەك سۇراپ, ۆيدەوٷندەۋ جارييالاعان ەدٸ. بالالاردىڭ ايتۋىنشا, اناسى بٸر كٷننٸڭ ٸشٸندە مەجبٷرلٸ تٷردە پسيحياترييالىق اۋرۋحاناعا جاتقىزىلىپ, ال ٶزدەرٸ ورتالىققا جٸبەرٸلگەن.
اقتٶبەلٸك بەس بالانىڭ اناسىنا قاتىستى جاڭا دەرەك شىقتى. بۇل تۋرالى ەلەۋمەتتٸك جەلٸدە بەلسەندٸ اقمارال باسيروۆا مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, كٶپبالالى انا تۋرالى اقپارات سوڭعى كٷندەرٸ قوعامدا ٷلكەن رەزونانس تۋدىرعان.
"بٸز باسىنان باستاپ وعان قويىلعان دياگنوزبەن كەلٸسپەگەنبٸز. سەبەبٸ جۇلدىزدى پسيحياترييالىق اۋرۋحاناعا جالعان اقپارات نەگٸزٸندە, تۋىسى – ٶز ەپكەسٸنٸڭ ارىزى ارقىلى جاتقىزعان. بۇل جاعداي انانى تەرەڭ كٷيزەلٸسكە تٷسٸرٸپ, بالالارىنا دا اۋىر سوققى بولدى. الايدا شىندىق تٷبٸندە اشىلاتىنىنا بٸز سەندٸك!!! جاقىندا جۇلدىز حانىم الماتى قالاسىنداعى رەسپۋبليكالىق پسيحيكالىق دەنساۋلىق ورتالىعىنا جٸبەرٸلدٸ. ون كٷن بويى پسيحولوگتار, پروفەسسورلار, دوتسەنتتەر جەنە كافەدرا مەڭگەرۋشٸلەرٸ كەسٸبي تٷردە كەشەندٸ تەكسەرٸس جٷرگٸزدٸ.
بٷگٸن 24 ماماننان قۇرالعان كونسيليۋم جۇلدىزدىڭ جاعدايىن قاراپ, قورىتىندى جاسادى. تولىقتاي ساۋ دەگەن! بۇل ساراپتاما - شىندىقتى قالپىنا كەلتٸرۋ جولىنداعى ماڭىزدى قادام", - دەدٸ ول.
اقمارال باسيروۆا بۇل جايتقا بايلانىستى ەدٸلدٸكتٸ تالاپ ەتتٸ.
ەسكە سالايىق, بۇعان دەيٸن بالالارعا ٷي بەرٸلەتٸنٸ حابارلاندى.
