Qazir qalamyzǵa qarasty 50-den astam sharýa qojalyǵy ózderine tiesili egis alqaptaryn tolyǵymen jyrtyp, tuqym egý jumystaryn pysyqtaýda. Qalalyq aýyl sharýashylyǵy bóliminiń basshysy Nurlan Jylqybaevtyń aitýynsha, biyl 669 gektar jerdi igerý josparlanǵan. Onyń ishinde, bidai – 200, arpa – 36, soia – 31, qant qyzylshasy –15, kartop – 267, kókónis – 115, jem-shóp daqyldary 5 gektar jerdi quraidy. Egiletin tuqymnyń barlyǵy – «QazAgroEks» zerthanasynda tolyqtai zertteýden ótken, sapasy men ónimdiligi joǵary suryptar. Tuqymnyń jerge ýaqytynda sińirilýi úshin qajetti janar-jaǵarmai kólemi anyqtalyp, 5 tonna dizel otyny dihandarǵa jeńildetilgen baǵamen beriledi.
Aǵymdaǵy jyldyń 1 sáýirine deiin aýyl sharýashylyǵy óniminiń jalpy kólemi 472,2 mln.teńge bolyp, ótken jylǵy qańtar-naýryzǵa qaraǵanda 101,5 paiyzdy qurady. Bul tekelilik sharýalardyń epidemiologiialyq jaǵdai tusynda eńsergen eńbeginiń naqty nátijesi. Qaýipti indettiń beti áli qaitqan joq. Osyndai kúrdeli jaǵdaida halyqty azyq-túlikpen turaqty qamtamasyz etý asa mańyzdy. Bul turǵyda tekelilik sharýa qojalyqtarynyń da qosar úlesi bar. Jergilikti dihandar ósirgen kartop, sábiz, qyryqqabat, sondai-aq, bal ónimderi qala bazarlarynda, azyq-túlik dúkenderinde satylady. Ótken jyly kúz ben qysta Nur-Sultan, Almaty jáne Taldyqorǵan qalalarynda uiymdastyrylǵan jármeńkelerge de bizdiń sha-rýalardyń sapasy senimdi, baǵasy laiyqty jergilikti ónimderdi mol suranysqa ie boldy.
Munyń barlyǵy – kóktemgi egis jumystarynan bastalyp, qara kúzge deiin jalǵasatyn tynymsyz eńbektiń jemisi.
Tekeli qalasy ákiminiń baspasóz hatshysy Uljan Uldahanqyzy
