ءقازىر قالامىزعا قاراستى 50-دەن استام شارۋا قوجالىعى وزدەرىنە تيەسىلى ەگىس القاپتارىن تولىعىمەن جىرتىپ، تۇقىم ەگۋ جۇمىستارىن پىسىقتاۋدا. قالالىق اۋىل شارۋاشىلىعى ءبولىمىنىڭ باسشىسى نۇرلان جىلقىبايەۆتىڭ ايتۋىنشا، بيىل 669 گەكتار جەردى يگەرۋ جوسپارلانعان. ونىڭ ىشىندە، بيداي – 200، ارپا – 36، سويا – 31، قانت قىزىلشاسى –15، كارتوپ – 267، كوكونىس – 115، جەم-شوپ داقىلدارى 5 گەكتار جەردى قۇرايدى. ەگىلەتىن تۇقىمنىڭ بارلىعى – «قازاگروەكس» زەرتحاناسىندا تولىقتاي زەرتتەۋدەن وتكەن، ساپاسى مەن ونىمدىلىگى جوعارى سۇرىپتار. تۇقىمنىڭ جەرگە ۋاقىتىندا ءسىڭىرىلۋى ءۇشىن قاجەتتى جانار-جاعارماي كولەمى انىقتالىپ، 5 توننا ديزەل وتىنى ديحاندارعا جەڭىلدەتىلگەن باعامەن بەرىلەدى.
اعىمداعى جىلدىڭ 1 ساۋىرىنە دەيىن اۋىل شارۋاشىلىعى ءونىمىنىڭ جالپى كولەمى 472،2 ملن.تەڭگە بولىپ، وتكەن جىلعى قاڭتار-ناۋرىزعا قاراعاندا 101،5 پايىزدى قۇرادى. بۇل تەكەلىلىك شارۋالاردىڭ ەپيدەميولوگيالىق جاعداي تۇسىندا ەڭسەرگەن ەڭبەگىنىڭ ناقتى ناتيجەسى. ءقاۋىپتى ىندەتتىڭ بەتى ءالى قايتقان جوق. وسىنداي كۇردەلى جاعدايدا حالىقتى ازىق-تۇلىكپەن تۇراقتى قامتاماسىز ەتۋ اسا ماڭىزدى. بۇل تۇرعىدا تەكەلىلىك شارۋا قوجالىقتارىنىڭ دا قوسار ۇلەسى بار. جەرگىلىكتى ديحاندار وسىرگەن كارتوپ، ءسابىز، قىرىققابات، سونداي-اق، بال ونىمدەرى قالا بازارلارىندا، ازىق-تۇلىك دۇكەندەرىندە ساتىلادى. وتكەن جىلى كۇز بەن قىستا نۇر-سۇلتان، الماتى جانە تالدىقورعان قالالارىندا ۇيىمداستىرىلعان جارمەڭكەلەرگە دە ءبىزدىڭ شا-رۋالاردىڭ ساپاسى سەنىمدى، باعاسى لايىقتى جەرگىلىكتى ونىمدەردى مول سۇرانىسقا يە بولدى.
مۇنىڭ بارلىعى – كوكتەمگى ەگىس جۇمىستارىنان باستالىپ، قارا كۇزگە دەيىن جالعاساتىن تىنىمسىز ەڭبەكتىڭ جەمىسى.
تەكەلى قالاسى اكىمىنىڭ باسپا ءسوز حاتشىسى ۇلجان ۇلداحان قىزى
