20 قازاننان باستاپ قازاقستانداعى ساۋدا جەلٸلەرٸ ەربٸر تاۋار ساناتى مەن كٸشٸ ساناتىندا وتاندىق ٶنٸمدەردٸڭ مٸندەتتٸ ٷلەسٸن قامتاماسىز ەتۋگە تيٸس, دەپ حابارلايدى dalanews.kz.
قازاقستاندا جەرگٸلٸكتٸ ٶندٸرۋشٸلەردٸڭ ٶنٸمدەرٸن ساۋدا جەلٸلەرٸندە ٸلگەرٸلەتۋگە باعىتتالعان جاڭا تالاپتار كٷشٸنە ەنەدٸ. بۇل تۋرالى ٷكٸمەت وتىرىسىندا ساۋدا جەنە ينتەگراتسييا مينيسترٸ ارمان شاققاليەۆ مەلٸمدەدٸ.
مينيستردٸڭ ايتۋىنشا, قازاقستاندىق تاۋارلاردى ٶتكٸزۋگە قولداۋ كٶرسەتۋ اياسىندا ساۋدا جەلٸلەرٸمەن 72 مەموراندۋم جاسالعان. جاڭا تالاپتار 20 قازاننان باستاپ قولدانىسقا ەنگٸزٸلەدٸ.
2026 جىلدىڭ العاشقى توعىز ايىندا قازاقستانداعى ساۋدا كٶلەمٸ 61 ترلن تەڭگەگە جەتٸپ, ٶتكەن جىلدىڭ سەيكەس كەزەڭٸمەن سالىستىرعاندا 16%-عا ٶسكەن. ونىڭ 40,7 ترلن تەڭگەسٸ كٶتەرمە ساۋداعا, 20,5 ترلن تەڭگەسٸ بٶلشەك ساۋداعا تيەسٸلٸ.
ساۋدا اينالىمىنىڭ 70%-دان استامى الماتى, استانا, شىمكەنت قالالارىندا, سونداي-اق اتىراۋ جەنە قاراعاندى وبلىستارىندا شوعىرلانعان. نەگٸزگٸ تاۋارلار قاتارىندا اۆتوموبيلدەر, تۇرمىستىق تەحنيكا, فارماتسەۆتيكالىق ٶنٸمدەر, سۋسىندار, ازىق-تٷلٸك جەنە قۇرىلىس ماتەريالدارى بار.
سونىمەن قاتار جىل باسىنان بەرٸ رەسپۋبليكا بويىنشا «دالا دەمٸ» ورتاق اتاۋىمەن 5,6 مىڭ اۋىل شارۋاشىلىعى جەرمەڭكەسٸ ۇيىمداستىرىلعان.
ٷكٸمەت باسشىسى ولجاس بەكتەنوۆ وتاندىق ٶندٸرۋشٸلەردٸڭ ٶنٸمدەرٸن ٸشكٸ نارىقتا ٸلگەرٸلەتۋمەن قاتار, ەكسپورت كٶلەمٸن ارتتىرۋ قاجەتتٸگٸن اتاپ ٶتتٸ.
ونىڭ ايتۋىنشا, ٸشكٸ نارىقتىڭ مٷمكٸندٸكتەرٸن ەسكەرگەندە, ٶندٸرٸستٸ ودان ەرٸ ۇلعايتۋ ٷشٸن شەتەلدٸك نارىقتارعا شىعۋ ماڭىزدى. وسىعان بايلانىستى ٷكٸمەت وتاندىق ٶنٸمدەردٸ شەتەلدە ٸلگەرٸلەتۋ, جاڭا ٶتكٸزۋ نارىقتارىن يگەرۋ جەنە ەكسپورتتىق جەتكٸزٸلٸمدەر گەوگرافيياسىن كەڭەيتۋ جۇمىستارىن جانداندىرۋدى تاپسىردى.
