2026 جىلدىڭ بٸرٸنشٸ جارتىجىلدىعىندا قازاقستاننىڭ تاۋارلار مەن قىزمەتتەر ەكسپورتى 25,4%-عا ٶسٸپ, 55,3 ملرد دوللارعا جەتتٸ, ال قىركٷيەك ايىنىڭ سوڭىندا ەلدٸڭ التىن-ۆاليۋتا رەزەرۆتەرٸ 66,2 ملرد دوللاردى قۇرادى, دەپ حابارلايدى dalanews.kz.
قازاقستاندا ٸسكەرلٸك بەلسەندٸلٸك كٶرسەتكٸشٸ مەن ەكسپورت كٶلەمٸ ٶسٸپ, قارجى نارىعىنداعى نەگٸزگٸ كٶرسەتكٸشتەر وڭ ديناميكا كٶرسەتتٸ. بۇل تۋرالى ٷكٸمەت وتىرىسىندا ۇلتتىق بانك تٶراعاسىنىڭ بٸرٸنشٸ ورىنباسارى ەرۇلان جاماۋباەۆ مەلٸمدەدٸ.
ونىڭ دەرەگٸنشە, 2026 جىلعى قىركٷيەكتە ٸسكەرلٸك بەلسەندٸلٸك يندەكسٸ 50,4 تارماقتى قۇراعان. بۇل كٶرسەتكٸش 2025 جىلعى جەلتوقسانداعى دەڭگەيدەن جوعارى. يندەكستٸڭ 50 تارماقتان اسۋى ٸسكەرلٸك بەلسەندٸلٸكتٸڭ كەڭەيگەنٸن بٸلدٸرەدٸ.
بيىلعى جىلدىڭ العاشقى التى ايىندا قازاقستاننىڭ تاۋارلار مەن قىزمەتتەر ەكسپورتى 25,4%-عا ۇلعايىپ, 55,3 ملرد دوللارعا جەتتٸ.
بيزنەستٸ نەسيەلەندٸرۋ مەن دەپوزيتتەر كٶلەمٸ ٶستٸ
كەسٸپكەرلٸكتٸ قارجىلاندىرۋ كٶرسەتكٸشتەرٸندە دە ٶسٸم بايقالادى. 2026 جىلعى 1 قىركٷيەكتەگٸ جاعداي بويىنشا بيزنەسكە بەرٸلگەن نەسيەلەردٸڭ كٶلەمٸ 16,4 ترلن تەڭگەنٸ قۇرادى.
ال دەپوزيتتەر كٶلەمٸ جىلدىق مەندە 17,2%-عا ارتىپ, 50,2 ترلن تەڭگەگە جەتكەن.
التىن-ۆاليۋتا رەزەرۆتەرٸ $66,2 ملرد بولدى
قىركٷيەك ايىنىڭ سوڭىندا قازاقستاننىڭ التىن-ۆاليۋتا رەزەرۆتەرٸ 66,2 ملرد دوللارعا جەتتٸ. جىل باسىنان بەرٸ بۇل كٶرسەتكٸش 1,2%-عا ٶسكەن.
ۇلتتىق قوردىڭ اكتيۆتەرٸ دە ۇلعايىپ, 66,7 ملرد دوللاردى قۇرادى. جىل باسىمەن سالىستىرعاندا ٶسٸم 4,3% بولعان.
سونىمەن قاتار ۇلتتىق بانك ينفلياتسييانى تەجەۋ ماقساتىندا ٷكٸمەتتٸڭ ينفلياتسيياعا قارسى شارالارىمەن ٷيلەستٸرە وتىرىپ, سالىستىرمالى تٷردە قاتاڭ اقشا-نەسيە ساياساتىن جالعاستىراتىنىن مەلٸمدەدٸ.
