2026 jyldyń birinshi jartyjyldyǵynda Qazaqstannyń taýarlar men qyzmetter eksporty 25,4%-ǵa ósip, 55,3 mlrd dollarǵa jetti, al qyrkúiek aiynyń sońynda eldiń altyn-valiýta rezervteri 66,2 mlrd dollardy qurady, dep habarlaidy dalanews.kz.
Qazaqstanda iskerlik belsendilik kórsetkishi men eksport kólemi ósip, qarjy naryǵyndaǵy negizgi kórsetkishter oń dinamika kórsetti. Bul týraly Úkimet otyrysynda Ulttyq bank tóraǵasynyń birinshi orynbasary Erulan Jamaýbaev málimdedi.
Onyń dereginshe, 2026 jylǵy qyrkúiekte iskerlik belsendilik indeksi 50,4 tarmaqty quraǵan. Bul kórsetkish 2025 jylǵy jeltoqsandaǵy deńgeiden joǵary. Indekstiń 50 tarmaqtan asýy iskerlik belsendiliktiń keńeigenin bildiredi.
Biylǵy jyldyń alǵashqy alty aiynda Qazaqstannyń taýarlar men qyzmetter eksporty 25,4%-ǵa ulǵaiyp, 55,3 mlrd dollarǵa jetti.
Biznesti nesielendirý men depozitter kólemi ósti
Kásipkerlikti qarjylandyrý kórsetkishterinde de ósim baiqalady. 2026 jylǵy 1 qyrkúiektegi jaǵdai boiynsha bizneske berilgen nesielerdiń kólemi 16,4 trln teńgeni qurady.
Al depozitter kólemi jyldyq mánde 17,2%-ǵa artyp, 50,2 trln teńgege jetken.
Altyn-valiýta rezervteri $66,2 mlrd boldy
Qyrkúiek aiynyń sońynda Qazaqstannyń altyn-valiýta rezervteri 66,2 mlrd dollarǵa jetti. Jyl basynan beri bul kórsetkish 1,2%-ǵa ósken.
Ulttyq qordyń aktivteri de ulǵaiyp, 66,7 mlrd dollardy qurady. Jyl basymen salystyrǵanda ósim 4,3% bolǵan.
Sonymen qatar Ulttyq bank infliatsiiany tejeý maqsatynda Úkimettiń infliatsiiaǵa qarsy sharalarymen úilestire otyryp, salystyrmaly túrde qatań aqsha-nesie saiasatyn jalǵastyratynyn málimdedi.
