20 qazannan bastap Qazaqstandaǵy saýda jelileri árbir taýar sanaty men kishi sanatynda otandyq ónimderdiń mindetti úlesin qamtamasyz etýge tiis, dep habarlaidy dalanews.kz.
Qazaqstanda jergilikti óndirýshilerdiń ónimderin saýda jelilerinde ilgeriletýge baǵyttalǵan jańa talaptar kúshine enedi. Bul týraly Úkimet otyrysynda Saýda jáne integratsiia ministri Arman Shaqqaliev málimdedi.
Ministrdiń aitýynsha, qazaqstandyq taýarlardy ótkizýge qoldaý kórsetý aiasynda saýda jelilerimen 72 memorandým jasalǵan. Jańa talaptar 20 qazannan bastap qoldanysqa engiziledi.
2026 jyldyń alǵashqy toǵyz aiynda Qazaqstandaǵy saýda kólemi 61 trln teńgege jetip, ótken jyldyń sáikes kezeńimen salystyrǵanda 16%-ǵa ósken. Onyń 40,7 trln teńgesi kóterme saýdaǵa, 20,5 trln teńgesi bólshek saýdaǵa tiesili.
Saýda ainalymynyń 70%-dan astamy Almaty, Astana, Shymkent qalalarynda, sondai-aq Atyraý jáne Qaraǵandy oblystarynda shoǵyrlanǵan. Negizgi taýarlar qatarynda avtomobilder, turmystyq tehnika, farmatsevtikalyq ónimder, sýsyndar, azyq-túlik jáne qurylys materialdary bar.
Sonymen qatar jyl basynan beri respýblika boiynsha «Dala dámi» ortaq ataýymen 5,6 myń aýyl sharýashylyǵy jármeńkesi uiymdastyrylǵan.
Úkimet basshysy Oljas Bektenov otandyq óndirýshilerdiń ónimderin ishki naryqta ilgeriletýmen qatar, eksport kólemin arttyrý qajettigin atap ótti.
Onyń aitýynsha, ishki naryqtyń múmkindikterin eskergende, óndiristi odan ári ulǵaitý úshin sheteldik naryqtarǵa shyǵý mańyzdy. Osyǵan bailanysty Úkimet otandyq ónimderdi shetelde ilgeriletý, jańa ótkizý naryqtaryn igerý jáne eksporttyq jetkizilimder geografiiasyn keńeitý jumystaryn jandandyrýdy tapsyrdy.
