قازاقستاندا بيىل 5 ملن توننادان استام مايلى داقىل جيناۋ كٷتٸلەدٸ, ال اۋىل شارۋاشىلىعىنىڭ جالپى ٶنٸم كٶلەمٸ توعىز ايدا 5,8%-عا ٶسٸپ, 7,3 ترلن تەڭگەگە جەتتٸ, دەپ حابارلايدى dalanews.kz.
2026 جىلدىڭ قاڭتار-قىركٷيەك ايلارىندا ٶسٸمدٸك شارۋاشىلىعىنىڭ ٶندٸرٸسٸ 7,6%-عا ارتىپ, 4 ترلن تەڭگەنٸ, ال مال شارۋاشىلىعىنىڭ ٶنٸمٸ 3,5%-عا ٶسٸپ, 3,2 ترلن تەڭگەنٸ قۇرادى.
ەلٸمٸزدە قازٸردٸڭ ٶزٸندە 23 ملن توننا استىق جينالدى. ەگٸس القاپتارىنىڭ 96%-ى ورىلىپ, ورتاشا ٶنٸمدٸلٸك گەكتارىنا 15,2 تسەنتنەردٸ قۇرادى. كٷردەلٸ كليماتتىق جاعدايلار مەن بيداي ەگٸسٸنٸڭ قىسقارۋىنا قاراماستان, استىق تٷسٸمٸ كٶپجىلدىق ورتاشا دەڭگەيدەن جوعارى بولادى دەپ بولجانىپ وتىر.
مايلى داقىلدار بويىنشا دا جوعارى نەتيجە كٷتٸلەدٸ. قازٸر 3,7 ملن توننا ٶنٸم جينالعان. بۇل ٶتكەن جىلعى كٶرسەتكٸشتەن 2,5 ەسە كٶپ. ماۋسىم قورىتىندىسىندا مايلى داقىلدار ٶنٸمٸ 5 ملن توننادان اسۋى مٷمكٸن.
الايدا مول ٶنٸم جيناۋمەن قاتار, ونى ساقتاۋ جەنە نارىققا ۋاقىتىلى جەتكٸزۋ مەسەلەسٸ دە ماڭىزدى. قىركٷيەكتە جاڭا ٶنٸم ەكسپورتى 1,1 ملن توننانى قۇراپ, بٸر جىلدا 13%-عا ٶستٸ. اۋىل شارۋاشىلىعى مينيسترلٸگٸ استىق قابىلداۋ كەسٸپورىندارىنىڭ ٷزدٸكسٸز جۇمىسىن قامتاماسىز ەتٸپ, قولدا بار لوگيستيكالىق مٷمكٸندٸكتەردٸ تيٸمدٸ پايدالانۋعا نازار اۋدارىپ وتىر.
ازىق-تٷلٸك ٶندٸرٸسٸندە دە ٶسٸم بايقالادى. توعىز ايدا ٶندٸرٸس كٶلەمٸ 13,8%-عا ارتىپ, 3,2 ترلن تەڭگەگە جەتتٸ. ٶسٸمدٸك مايىنىڭ ٶندٸرٸسٸ 25,2%-عا, ۇن ٶندٸرٸسٸ 13,9%-عا, ال بالمۇزداق ٶندٸرٸسٸ 51,7%-عا ۇلعايعان.
مينيسترلٸكتٸڭ بولجامىنشا, جىل سوڭىندا اۋىل شارۋاشىلىعىنىڭ جالپى ٶنٸم كٶلەمٸ 6%-عا, ازىق-تٷلٸك ٶندٸرٸسٸ 9,5%-عا ٶسەدٸ.
