Qazaqstanda quqyqtyq mádenıetti nyǵaıtýǵa belsendi qatysatyn azamattardy, sonyń ishinde zań men etıka normalarynyń buzylýy týraly habarlaıtyndardy yntalandyrý júıesi ázirlenip jatyr. Bul týraly elimizdiń Bas prokýrory Berik Asylov áleýmettik jeli H- ta jazdy dep habarlaıdy Dalanews.kz.

Budan bólek, Bas prokýrordyń aıtýynsha, qazirgi ýaqytta Quqyqtyq statısıka jáne arnaıy esepke alý komıtetin boljamdyq- taldamalyq ortalyqqa túrlendirý jumystary júrgizilýde.

«Derekter massıvterin, jasandy ıntellektti jáne taldaý quraldaryn biryńǵaı júıege biriktirý quqyqtyq tártipti júıeli túrde basqarýǵa jańa múmkindikter ashady»,- dep jazdy Asylov.

Sondaı- aq osy negizde ortalyq jáne óńirlik deńgeılerdegi barlyq múddeli memlekettik organdardyń qatysýymen «Zań jáne tártip» tujyrymdamasyn ilgeriletý boıynsha jobalyq keńse qurylýda.

«Basty maqsat- qoǵamnyń barlyq deńgeıinde quqyqbuzýshylyqtarǵa nóldik tózimdilik qalyptastyrý jáne azamattyq qoǵam men quqyq qorǵaý jáne quqyq qorǵaý qurylymdary arasynda tyǵyz ózara is- qımyldy qamtamasyz etý»,- dep atap ótti Bas prokýror.