قازاقستاندا قۇقىقتىق مادەنيەتتى نىعايتۋعا بەلسەندى قاتىساتىن ازاماتتاردى، سونىڭ ىشىندە زاڭ مەن ەتيكا نورمالارىنىڭ بۇزىلۋى تۋرالى حابارلايتىنداردى ىنتالاندىرۋ جۇيەسى ازىرلەنىپ جاتىر. بۇل تۋرالى ەلىمىزدىڭ باس پروكۋرورى بەرىك اسىلوۆ الەۋمەتتىك جەلى ح- تا جازدى دەپ حابارلايدى Dalanews.kz.
بۇدان بولەك، باس پروكۋروردىڭ ايتۋىنشا، قازىرگى ۋاقىتتا قۇقىقتىق ستاتيستيكا جانە ارنايى ەسەپكە الۋ كوميتەتىن بولجامدىق- تالدامالىق ورتالىققا تۇرلەندىرۋ جۇمىستارى جۇرگىزىلۋدە.
«دەرەكتەر ماسسيۆتەرىن، جاساندى ينتەللەكتتى جانە تالداۋ قۇرالدارىن ءبىرىڭعاي جۇيەگە بىرىكتىرۋ قۇقىقتىق ءتارتىپتى جۇيەلى تۇردە باسقارۋعا جاڭا مۇمكىندىكتەر اشادى»،- دەپ جازدى اسىلوۆ.
سونداي- اق وسى نەگىزدە ورتالىق جانە وڭىرلىك دەڭگەيلەردەگى بارلىق مۇددەلى مەملەكەتتىك ورگانداردىڭ قاتىسۋىمەن «زاڭ جانە ءتارتىپ» تۇجىرىمداماسىن ىلگەرىلەتۋ بويىنشا جوبالىق كەڭسە قۇرىلۋدا.
«باستى ماقسات- قوعامنىڭ بارلىق دەڭگەيىندە قۇقىقبۇزۋشىلىقتارعا نولدىك توزىمدىلىك قالىپتاستىرۋ جانە ازاماتتىق قوعام مەن قۇقىق قورعاۋ جانە قۇقىق قورعاۋ قۇرىلىمدارى اراسىندا تىعىز ءوزارا ءىس- قيمىلدى قامتاماسىز ەتۋ»،- دەپ اتاپ ءوتتى باس پروكۋرور.
