Almatyda turǵyndar sezbegen jer silkinisinen keiin jer silkinisi týraly dabyl júiesi qaita iske qosyldy. Tótenshe jaǵdailar ministrliginiń vitse-ministri Kegen Tursynbaevtyń aitýynsha, aldyn ala sebep – avtomatty habarlaý júiesindegi tehnikalyq aqaý bolýy múmkin, dep habarlaidy Dalanews.kz.
"Bizdiń stantsiialardaǵy júielerdiń ózinde aqaý oryn alǵan siiaqty. Negizi shamamen 2–3 baldyq álsiz dúmpý boldy. Al júie 5 baldan joǵary jaǵdaida habarlandyrýǵa baptalǵan. Ishki júiede qandai da bir aqaý bolyp, sol sebepti signal berilgen bolýy múmkin. Qazir merdiger uiymnyń mamandary tekserý júrgizip jatyr", - dedi ol.
Vitse-ministrdiń aitýynsha, buǵan deiin de osyndai jaǵdai tirkelgen, jáne sol kezde de sebep tehnikalyq aqaý bolǵany anyqtalǵan.
"Bul júieniń jumysyn retteimiz dep oilaimyn. Almaty qalasy TJD basshysy turǵyndarǵa úndeý jasap, alańdaýǵa negiz joq ekenin aitty. Qazir komissiia bul jabdyqty ornatqan jetkizýshilermen birge tekseris júrgizip jatyr", - dep túiindedi Kegen Tursynbaev.
Eske salaiyq, búgin Almatyda jer silkinisi boldy. Sonymen qatar, qala turǵyndarynyń uialy telefonyna jer silkinisi týraly aldyn ala habarlama kelgen bolatyn.
