الماتىدا تۇرعىندار سەزبەگەن جەر سٸلكٸنٸسٸنەن كەيٸن جەر سٸلكٸنٸسٸ تۋرالى دابىل جٷيەسٸ قايتا ٸسكە قوسىلدى. تٶتەنشە جاعدايلار مينيسترلٸگٸنٸڭ ۆيتسە-مينيسترٸ كەگەن تۇرسىنباەۆتىڭ ايتۋىنشا, الدىن الا سەبەپ – اۆتوماتتى حابارلاۋ جٷيەسٸندەگٸ تەحنيكالىق اقاۋ بولۋى مٷمكٸن, دەپ حابارلايدى Dalanews.kz.
"بٸزدٸڭ ستانتسييالارداعى جٷيەلەردٸڭ ٶزٸندە اقاۋ ورىن العان سيياقتى. نەگٸزٸ شامامەن 2–3 بالدىق ەلسٸز دٷمپۋ بولدى. ال جٷيە 5 بالدان جوعارى جاعدايدا حابارلاندىرۋعا باپتالعان. ٸشكٸ جٷيەدە قانداي دا بٸر اقاۋ بولىپ, سول سەبەپتٸ سيگنال بەرٸلگەن بولۋى مٷمكٸن. قازٸر مەردٸگەر ۇيىمنىڭ ماماندارى تەكسەرۋ جٷرگٸزٸپ جاتىر", - دەدٸ ول.
ۆيتسە-مينيستردٸڭ ايتۋىنشا, بۇعان دەيٸن دە وسىنداي جاعداي تٸركەلگەن, جەنە سول كەزدە دە سەبەپ تەحنيكالىق اقاۋ بولعانى انىقتالعان.
"بۇل جٷيەنٸڭ جۇمىسىن رەتتەيمٸز دەپ ويلايمىن. الماتى قالاسى تجد باسشىسى تۇرعىندارعا ٷندەۋ جاساپ, الاڭداۋعا نەگٸز جوق ەكەنٸن ايتتى. قازٸر كوميسسييا بۇل جابدىقتى ورناتقان جەتكٸزۋشٸلەرمەن بٸرگە تەكسەرٸس جٷرگٸزٸپ جاتىر", - دەپ تٷيٸندەدٸ كەگەن تۇرسىنباەۆ.
ەسكە سالايىق, بٷگٸن الماتىدا جەر سٸلكٸنٸسٸ بولدى. سونىمەن قاتار, قالا تۇرعىندارىنىڭ ۇيالى تەلەفونىنا جەر سٸلكٸنٸسٸ تۋرالى الدىن الا حابارلاما كەلگەن بولاتىن.
