Prezıdent Qasym-Jomart Toqaev "Qazaqstan Respýblıkasynyń memlekettik nagradalarymen nagradtaý týraly" jarlyqqa qol qoıdy, dep habarlaıdy Dalanews.kz.

Óndiristik qyzmettegi asa úzdik eńbegi, agroónerkásip keshenin jáne taý-ken óndirý salasyn damytýǵa qosqan aıryqsha úlesi úshin joǵary dárejeli erekshelik belgisi – "Qazaqstannyń Eńbek Eri" ataǵy berilip, aıryqsha erekshelik belgisi – Altyn juldyz ben "Otan" ordeni:

• Soltústik Qazaqstan oblysyndaǵy "Mámbetov jáne K" KS mehanızatory Qarajumanov Murat Keńesulyna;
• Qaraǵandy oblysyndaǵy "Qarmet" AQ KD "Shahtınskaıa" shahtasy ýchaskesiniń bastyǵy Chernobaı Sergeı Petrovıchke tapsyryldy.

Ulttyq mereke - Respýblıka kúni qarsańynda Prezıdent Qasym-Jomart Toqaevtyń jarlyǵymen elimizdiń áleýmettik-ekonomıkalyq, mádenı-rýhanı damýyna, halyqtar arasyndaǵy dostyq pen yntymaqtastyqty nyǵaıtýǵa eleýli úles qosqan jáne belsendi qoǵamdyq qyzmet atqarǵan birqatar azamat memlekettik nagradalarmen marapattaldy.

Olardyń qatarynda eńbek ardagerleri, jumysshylar, óndiris, bıznes, bilim berý, ǵylym, densaýlyq saqtaý salalarynyń ókilderi, áskerıler, quqyq qorǵaý organdarynyń qyzmetkerleri, sportshylar, mádenıet jáne óner qaıratkerleri bar.

• Pavlodar oblysyndaǵy "Galıskoe" JSHS dırektory A.Kasısın "Otan" ordenimen marapattaldy.
• "Baqyrshyq taý-ken óndirý kásiporny" JSHS basqarma tóraǵasy K.Isaev, Qazaqstan jýrnalısıkasynyń ardageri S.Harchenko İ dárejeli "Barys" ordenimen;
• "Aqtoǵaı" sý elektr stansasynyń dırektory T.Baımoldaev, Ulttyq ǵylym akademıasynyń akademıgi O.Sábden, eńbek ardageri E.Tájıev, "Almaty áýenderi" konserttik orkestriniń bas dırıjeri M.Serkebaev jáne basqalar İİ dárejeli "Barys" ordenimen;
• K.Baıseıitova atyndaǵy Qazaq ulttyq óner ýnıversıtetiniń profesorlary A.Almatov pen N.Izmaılov, "Aqsaıgazservıs" AQ holdıńi kompanıalar toby dırektorlar keńesiniń tóraǵasy T.Shektebaev, aqyn Á.Berkenova jáne basqalar İİİ dárejeli "Barys" ordenimen nagradtaldy.
• Elimizdiń rýhanı kemeldenýine jáne zıatkerlik áleýetiniń damýyna eleýli úles qosqany úshin belgili ǵalymdarǵa, mádenıet qaıratkerlerine jáne óndiris salasynyń ókilderine "Parasat" ordeni berildi. Olardyń qatarynda "Ilınskoe" JSHS dırektory A.Býrlev, aqyn Ǵ.Jaılybaı, "Munaı-gaz kesheni ardagerleri" RQB keńesiniń múshesi T.Hasanov, Qazaqstan jýrnalısıkasynyń ardageri E.Brýsılovskaıa, Shyǵys Qazaqstan oblystyq aýrýhanasynyń bólim meńgerýshisi M.Bashabaev jáne basqalary bar.
• Beıbitshilikti, halyqtar arasyndaǵy dostyq pen yntymaqtastyqty nyǵaıtýǵa qosqan úlesi úshin Social theater-Camogli (Italıa) teatrynyń kórkemdik jetekshisi Akvavıva Djýzeppe İİ dárejeli "Dostyq" ordenine laıyq dep tanyldy.
• "Qurmet" ordenimen marapattalǵandar qatarynda Astanadaǵy №3 qalalyq balalar aýrýhanasynyń bas dárigeri M.Abdýov, "Qumqudyq" JSHS bas ınjeneri B.Aıtjan, QazaqGaz Aimaq Almaty óndiristik fılıalynyń slesari G.Jasybaeva, Ulttyq ıadrolyq ortalyqtyń laboranty Iý.Karágın, Ortalyq memlekettik arhıvtiń dırektory S.Shildebaı, aktrısa G.Dýsmatova, "Álternatıv" ózekti zertteýler ortalyǵynyń dırektory A.Chebotarev jáne basqalary bar.
• Ult birligin nyǵaıtý jáne qoǵamdyq kelisimdi qamtamasyz etý jolyndaǵy jemisti eńbegi úshin "El birligi" ordenimen "Ahyska" túrik etnomádenı ortalyǵynyń Shymkent qalasy fılıalynyń tóraǵasy L.Asanov, Pavlodar oblysy boıynsha orys, slaván jáne kazak uıymdary qaýymdastyǵynyń tóraǵasy V.Berkovskıı, "Vozrojdenıe" Qazaqstan nemisteri birlestigi qamqorshylar keńesiniń tóraǵasy E.Bolgert, "Tań" tatar-bashqurt etnomádenı ortalyǵynyń tóraǵasy R.Valıev, "Dýstlık" ózbek etnomádenı birlestikteriniń qaýymdastyǵy tóraǵasynyń orynbasary A.Ismatýllaev marapattaldy.
• Ónerkásip, kólik, qurylys, aýyl sharýashylyǵy jáne basqa da óndiristik salalardyń eńbekkerleri III dárejeli "Eńbek Dańqy" ordeniniń kavaleri atandy.
• "Qazaqstannyń eńbek sińirgen qaıratkeri" qurmetti ataǵy mádenıet salasynyń kórnekti ókilderi Z.Altynbaevaǵa, Á.Altynbekke, N.Jmereneskaıaǵa, B.Qajybaevqa, belgili kásipker, qoǵam qaıratkeri I.Saýerge jáne taǵy da basqalarǵa berildi.
• "Qazaqstannyń halyq jazýshysy" ataǵyna aqyn M.Aıtqoja, jazýshy Ǵ.Qabyshuly, "Qazaqstannyń halyq ártisi" ataǵyna mýzyka, teatr jáne kıno óneriniń kórnekti qaıratkerleri B.Ábdilmanov, M. Ótekeshova, A.Jaıymov, T.Janqul, Sh.Janysbekova, B.Ibraev, K.Qazaqbaeva, R.Mashýrova laıyq dep tanyldy.
• Densaýlyq saqtaý jáne ǵylym salasynyń birqatar ókili "Qazaqstannyń eńbek sińirgen dárigeri" jáne "Qazaqstannyń eńbek sińirgen ǵylym jáne tehnıka qaıratkeri" qurmetti ataqtaryna ıe boldy.
• Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etý, ulttyq qaýipsizdikti nyǵaıtý kezinde kórsetken erligi men janqıarlyǵy úshin áskerı qyzmetshiler men quqyq qorǵaý organdary ókilderiniń bir toby İİ dárejeli "Dańq" ordenimen, I, İİ, İİİ dárejeli "Aıbyn" ordenimen, "Erligi úshin" jáne "Jaýyngerlik erligi úshin" medaldarymen marapattaldy.