پرەزيدەنت قاسىم-جومارت توقايەۆ "قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى" جارلىققا قول قويدى، دەپ حابارلايدى Dalanews.kz.
وندىرىستىك قىزمەتتەگى اسا ۇزدىك ەڭبەگى، اگروونەركاسىپ كەشەنىن جانە تاۋ-كەن ءوندىرۋ سالاسىن دامىتۋعا قوسقان ايرىقشا ۇلەسى ءۇشىن جوعارى دارەجەلى ەرەكشەلىك بەلگىسى – "قازاقستاننىڭ ەڭبەك ەرى" اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن "وتان" وردەنى:
- سولتۇستىك قازاقستان وبلىسىنداعى "مامبەتوۆ جانە ك" كس مەحانيزاتورى قاراجۇمانوۆ مۇرات كەڭەسۇلىنا؛
- قاراعاندى وبلىسىنداعى "Qarmet" اق كد "شاحتينسكايا" شاحتاسى ۋچاسكەسىنىڭ باستىعى چەرنوباي سەرگەي پەتروۆيچكە تاپسىرىلدى.
ۇلتتىق مەرەكە - رەسپۋبليكا كۇنى قارساڭىندا پرەزيدەنت قاسىم-جومارت توقايەۆتىڭ جارلىعىمەن ەلىمىزدىڭ الەۋمەتتىك-ەكونوميكالىق، مادەني-رۋحاني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا ەلەۋلى ۇلەس قوسقان جانە بەلسەندى قوعامدىق قىزمەت اتقارعان ءبىرقاتار ازامات مەملەكەتتىك ناگرادالارمەن ماراپاتتالدى.
ولاردىڭ قاتارىندا ەڭبەك ارداگەرلەرى، جۇمىسشىلار، ءوندىرىس، بيزنەس، ءبىلىم بەرۋ، عىلىم، دەنساۋلىق ساقتاۋ سالالارىنىڭ وكىلدەرى، اسكەريلەر، قۇقىق قورعاۋ ورگاندارىنىڭ قىزمەتكەرلەرى، سپورتشىلار، مادەنيەت جانە ونەر قايراتكەرلەرى بار.
- پاۆلودار وبلىسىنداعى "گاليسكوە" ج ش س ديرەكتورى ا.كاسيسين "وتان" وردەنىمەن ماراپاتتالدى.
- "باقىرشىق تاۋ-كەن ءوندىرۋ كاسىپورنى" ج ش س باسقارما ءتوراعاسى ك.يسايەۆ، قازاقستان جۋرناليستيكاسىنىڭ ارداگەرى س.حارچەنكو ءى دارەجەلى "بارىس" وردەنىمەن؛
- "اقتوعاي" سۋ ەلەكتر ستانساسىنىڭ ديرەكتورى ت.بايمولدايەۆ، ۇلتتىق عىلىم اكادەمياسىنىڭ اكادەميگى و.سابدەن، ەڭبەك ارداگەرى ە.تاجييەۆ، "الماتى اۋەندەرى" كونسەرتتىك وركەسترىنىڭ باس ديريجەرى م.سەركەبايەۆ جانە باسقالار ءىى دارەجەلى "بارىس" وردەنىمەن؛
- ك.بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنىڭ پروفەسسورلارى ا.الماتوۆ پەن ن.يزمايلوۆ، "اقسايگازسەرۆيس" اق حولدينگى كومپانيالار توبى ديرەكتورلار كەڭەسىنىڭ ءتوراعاسى ت.شەكتەبايەۆ، اقىن ءا.بەركەنوۆا جانە باسقالار ءىىى دارەجەلى "بارىس" وردەنىمەن ناگرادتالدى.
- ەلىمىزدىڭ رۋحاني كەمەلدەنۋىنە جانە زياتكەرلىك الەۋەتىنىڭ دامۋىنا ەلەۋلى ۇلەس قوسقانى ءۇشىن بەلگىلى عالىمدارعا، مادەنيەت قايراتكەرلەرىنە جانە ءوندىرىس سالاسىنىڭ وكىلدەرىنە "پاراسات" وردەنى بەرىلدى. ولاردىڭ قاتارىندا "يلينسكوە" ج ش س ديرەكتورى ا.بۋرليەۆ، اقىن ع.جايلىباي، "مۇناي-گاز كەشەنى ارداگەرلەرى" رقب كەڭەسىنىڭ مۇشەسى ت.حاسانوۆ، قازاقستان جۋرناليستيكاسىنىڭ ارداگەرى ە.برۋسيلوۆسكايا، شىعىس قازاقستان وبلىستىق اۋرۋحاناسىنىڭ ءبولىم مەڭگەرۋشىسى م.باشابايەۆ جانە باسقالارى بار.
- بەيبىتشىلىكتى، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن Social theater-Camogli (يتاليا) تەاترىنىڭ كوركەمدىك جەتەكشىسى اكۆاۆيۆا دجۋزەپپە ءىى دارەجەلى "دوستىق" وردەنىنە لايىق دەپ تانىلدى.
- "قۇرمەت" وردەنىمەن ماراپاتتالعاندار قاتارىندا استاناداعى №3 قالالىق بالالار اۋرۋحاناسىنىڭ باس دارىگەرى م.ابدۋوۆ، "قۇمقۇدىق" ج ش س باس ينجەنەرى ب.ايتجان، QazaqGaz Aimaq الماتى وندىرىستىك فيليالىنىڭ سلەسارى گ.جاسىبايەۆا، ۇلتتىق يادرولىق ورتالىقتىڭ لابورانتى يۋ.كارياگين، ورتالىق مەملەكەتتىك ءارحيۆتىڭ ديرەكتورى س.شىلدەباي، اكتريسا گ.دۋسماتوۆا، "التەرناتيۆا" وزەكتى زەرتتەۋلەر ورتالىعىنىڭ ديرەكتورى ا.چەبوتاريەۆ جانە باسقالارى بار.
- ۇلت بىرلىگىن نىعايتۋ جانە قوعامدىق كەلىسىمدى قامتاماسىز ەتۋ جولىنداعى جەمىستى ەڭبەگى ءۇشىن "ەل بىرلىگى" وردەنىمەن "احىسكا" تۇرىك ەتنومادەني ورتالىعىنىڭ شىمكەنت قالاسى فيليالىنىڭ ءتوراعاسى ل.اسانوۆ، پاۆلودار وبلىسى بويىنشا ورىس، سلاۆيان جانە كازاك ۇيىمدارى قاۋىمداستىعىنىڭ ءتوراعاسى ۆ.بەركوۆسكيي، "ۆوزروجدەنيە" قازاقستان نەمىستەرى بىرلەستىگى قامقورشىلار كەڭەسىنىڭ ءتوراعاسى ە.بولگەرت، "تاڭ" تاتار-باشقۇرت ەتنومادەني ورتالىعىنىڭ ءتوراعاسى ر.ۆالييەۆ، "دۋستليك" وزبەك ەتنومادەني بىرلەستىكتەرىنىڭ قاۋىمداستىعى ءتوراعاسىنىڭ ورىنباسارى ا.يسماتۋللايەۆ ماراپاتتالدى.
- ونەركاسىپ، كولىك، قۇرىلىس، اۋىل شارۋاشىلىعى جانە باسقا دا وندىرىستىك سالالاردىڭ ەڭبەككەرلەرى III دارەجەلى "ەڭبەك داڭقى" وردەنىنىڭ كاۆالەرى اتاندى.
- "قازاقستاننىڭ ەڭبەك سىڭىرگەن قايراتكەرى" قۇرمەتتى اتاعى مادەنيەت سالاسىنىڭ كورنەكتى وكىلدەرى ز.التىنبايەۆاعا، ءا.التىنبەككە، ن.جمەرەنەسكاياعا، ب.قاجىبايەۆقا، بەلگىلى كاسىپكەر، قوعام قايراتكەرى ي.ساۋەرگە جانە تاعى دا باسقالارعا بەرىلدى.
- "قازاقستاننىڭ حالىق جازۋشىسى" اتاعىنا اقىن م.ايتقوجا، جازۋشى ع.قابىش ۇلى، "قازاقستاننىڭ حالىق ءارتىسى" اتاعىنا مۋزىكا، تەاتر جانە كينو ونەرىنىڭ كورنەكتى قايراتكەرلەرى ب.ءابدىلمانوۆ، م. وتەكەشوۆا، ا.جايىموۆ، ت.جانقۇل، ش.جانىسبەكوۆا، ب.يبرايەۆ، ك.قازاقبايەۆا، ر.ماشۋروۆا لايىق دەپ تانىلدى.
- دەنساۋلىق ساقتاۋ جانە عىلىم سالاسىنىڭ ءبىرقاتار وكىلى "قازاقستاننىڭ ەڭبەك سىڭىرگەن دارىگەرى" جانە "قازاقستاننىڭ ەڭبەك سىڭىرگەن عىلىم جانە تەحنيكا قايراتكەرى" قۇرمەتتى اتاقتارىنا يە بولدى.
- اسكەري جانە قىزمەتتىك بورىشىن ۇلگىلى اتقارعانى، زاڭدىلىق پەن قۇقىقتىق ءتارتىپتى قامتاماسىز ەتۋ، ۇلتتىق قاۋىپسىزدىكتى نىعايتۋ كەزىندە كورسەتكەن ەرلىگى مەن جانقيارلىعى ءۇشىن اسكەري قىزمەتشىلەر مەن قۇقىق قورعاۋ ورگاندارى وكىلدەرىنىڭ ءبىر توبى ءىى دارەجەلى "داڭق" وردەنىمەن، I، ءىى، ءىىى دارەجەلى "ايبىن" وردەنىمەن، "ەرلىگى ءۇشىن" جانە "جاۋىنگەرلىك ەرلىگى ءۇشىن" مەدالدارىمەن ماراپاتتالدى.
