Sherzat Bolattyń otbasy jańa úige kóshti, dep habarlaidy Dalanews.kz.
Bul týraly Qarjaýbai Nurymovtyń advokaty Meiirman Shekeev habarlady.
"Bul – eń aldymen Allanyń, sondai-aq Asqar men Ashat baýyrlarymyzdyń jomarttyǵynyń, Almaty oblysy ákimdiginiń qoldaýy men kóptegen qarapaiym halyqtyń duǵasynyń arqasynda múmkin boldy. Qarjaýbailar otbasyna qýanysh syilai aldyq dep oilaimyn", – dep jazdy ol.
Aita keteiik, byltyr 12 qazanǵa qaraǵan túni Talǵar tragediiasynda qaza tapqan Sherzat Bolattyń úii órtenip ketti. Bul týraly áleýmettik jelide habarlana bastady.
Zardap shekkender men qaza tapqandar joq. Kýágerlerdiń sózinshe, úi tutas órtenip ketken.
Bul derekke Politsiia departamenti jaýap berdi. 12 qazanǵa qaraǵan túni Eńbekshiqazaq aýdany Azat aýylyndaǵy úilerdiń birinde órt boldy.
Bótenniń múlkin qasaqana joiý deregi boiynsha politsiia qylmystyq is qozǵady.
Talǵardaǵy jappai tóbeles kezinde qaza tapqan Sherzat Bolattyń úiiniń órtenýine bailanysty Bas prokýratýra málimdeme jasaǵan bolatyn.
Bas prokýratýranyń baspasóz qyzmetiniń málimetinshe, Talǵarda jasóspirimdi óltirý isi boiynsha jábirlenýshilerdiń úiin órteý faktisine qatysty 2024 jylǵy 12 qazanda Bas prokýratýranyń basshylyǵymen qylmysty ashý úshin vedomstvoaralyq jedel-tergeý toby quryldy.
Kinálilerdi áshkereleý úshin barlyq sharalar qabyldanatyn bolady. Qylmystyq is Qazaqstan Respýblikasy Bas Prokýrorynyń baqylaýyna alyndy.
