شەرزات بولاتتىڭ وتباسى جاڭا ۇيگە كوشتى، دەپ حابارلايدى Dalanews.kz.
بۇل تۋرالى قارجاۋباي نۇرىموۆتىڭ ادۆوكاتى مەيىرمان شەكەيەۆ حابارلادى.
"بۇل – ەڭ الدىمەن اللانىڭ، سونداي-اق اسقار مەن اسحات باۋىرلارىمىزدىڭ جومارتتىعىنىڭ، الماتى وبلىسى اكىمدىگىنىڭ قولداۋى مەن كوپتەگەن قاراپايىم حالىقتىڭ دۇعاسىنىڭ ارقاسىندا مۇمكىن بولدى. قارجاۋبايلار وتباسىنا قۋانىش سىيلاي الدىق دەپ ويلايمىن"، – دەپ جازدى ول.
ايتا كەتەيىك، بىلتىر 12 قازانعا قاراعان ءتۇنى تالعار تراگەدياسىندا قازا تاپقان شەرزات بولاتتىڭ ءۇيى ورتەنىپ كەتتى. بۇل تۋرالى الەۋمەتتىك جەلىدە حابارلانا باستادى.
زارداپ شەككەندەر مەن قازا تاپقاندار جوق. كۋاگەرلەردىڭ سوزىنشە، ءۇي تۇتاس ورتەنىپ كەتكەن.
بۇل دەرەككە پوليسيا دەپارتامەنتى جاۋاپ بەردى. 12 قازانعا قاراعان ءتۇنى ەڭبەكشىقازاق اۋدانى ازات اۋىلىنداعى ۇيلەردىڭ بىرىندە ءورت بولدى.
بوتەننىڭ مۇلكىن قاساقانا جويۋ دەرەگى بويىنشا پوليسيا قىلمىستىق ءىس قوزعادى.
تالعارداعى جاپپاي توبەلەس كەزىندە قازا تاپقان شەرزات بولاتتىڭ ءۇيىنىڭ ورتەنۋىنە بايلانىستى باس پروكۋراتۋرا مالىمدەمە جاساعان بولاتىن.
باس پروكۋراتۋرانىڭ باسپا ءسوز قىزمەتىنىڭ مالىمەتىنشە، تالعاردا ءجاسوسپىرىمدى ءولتىرۋ ءىسى بويىنشا جابىرلەنۋشىلەردىڭ ءۇيىن ورتەۋ فاكتىسىنە قاتىستى 2024 جىلعى 12 قازاندا باس پروكۋراتۋرانىڭ باسشىلىعىمەن قىلمىستى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلدى.
كىنالىلەردى اشكەرەلەۋ ءۇشىن بارلىق شارالار قابىلداناتىن بولادى. قىلمىستىق iس قازاقستان رەسپۋبليكاسى باس پروكۋرورىنىڭ باقىلاۋىنا الىندى.
