Almaty qalasynyń mańyndaǵy aýyldardyń birinde kópbalaly otbasy turady. Baqytty juptyń árqaisysy altynnan qymbat alty birdei qyzy bar. «Qyzdyń nesibesi - Qudaidan» dep jatady ǵoi. Bul otbasynyń materialdyq jaǵdaiy kól-kósir edi. Biraq urpaq jalǵastyratyn uly bolmaǵandyqtan, otaǵasy Qýattyń kóńilinde qaiaý bar. Alaida onysyn syrtqa bildirmeidi. Alty qyzdy dúniege ákelgen Juldyzdyń jetinshi perzentke aiaǵy aýyr. Qýattyń bul baladan úmiti zor edi. Elden qalmai gender-pati uiymdastyryp, dostaryn qonaqqa shaqyrǵan otbasyda úlken jańalyq boldy. Jasyrylǵan shardyń ishinen kók tústi jyltyraqtar shashylǵanda, ul kútken ákeniń qýanyshynda shek bolmady.
Aiy-kúni jetip Juldyz perzenthanaǵa jatady. Alty qyzben qosa ákeleri Qýat taǵatsyzdana kútip júr. Alaida, taǵdyrdyń jazǵany basqasha edi. Juldyz taǵy da qyz tabady. Kútkenderi oryndalmaǵandyqtan áýre-sarsańǵa salynyp, Juldyz dárigerlerden «ul bolýy kerek edi» dep surap shyryldap ketedi. Dárigerler «ondai-ondai qatelikter bolyp turady» dep qana jaýap qaiyrady. Juldyzdyń perzenthanadan taǵy qyz alyp shyqsa, kúieýi Qýat úige kirgizbei qoia ma degen qorqynyshy bar. Ne isterin bilmei, amaly quryǵan ana palatadaǵy ul tapqan aýyldas kelinshekpen bala aýystyrý týraly kelisimge keledi. Aqsha usynǵanynda kónbegenimen, artynan kóńildi qozǵaityn sózderin aityp aqyry Juldyz ony kelistiredi.
Osy oqiǵanyń ómirde oryn alýy ábden múmkin. Alaida, bul jái ǵana 2025 jyldyń 6-naýryzynan bastap elimizdiń barlyq kinoteatrlarynda shyǵatyn tolyqmetrli filmniń siýjeti ǵana. Dakeshi street, Taurus Asia Production jáne ZER cinema kompaniialary birlese otyryp 2024 jyldyń kókteminde osyndai týyndy túsirdi.
Filmge Daniiar Hatim, Buhar Marat, Anara Júnisova, Anna Chakirtova prodiýserlik etti.
"Bul filmdegi oqiǵanyń maǵan erekshe unaǵan tusy onyń ózektiligi. Shynymende 21-ǵasyrda ómir súrip jatsaq ta, óz qyzdaryna “ul” dep bastalatyn esim qoiatyn otbasylar bar. Ony ejelgi ata-babamyzdan qalǵan dástúr desek te, qazaqy yrym desek te jańa týǵan náresteniń taǵdyrdyń buiryǵyna ne qatysy bar? Esesine onyń ómir boiy ózi qalamaityn esimmen ǵumyr keshýine týra keledi. Filmde osy taqyryptarǵa tereńinen toqtalyp, otbasydaǵy qyz balanyń ornyn kórermenge uǵyndyrýǵa tyrystyq", - dedi Bas prodiýser Daniiar Hatim.
Al rejisser men stsenarii avtorlarynyń aitqysy kelgen basty oiy Qurannyń myna bir aiattarymen tuspa-tus keledi:
«Kúlli aspan álemi men jerdiń bar biligi men ieligi bir Allaǵa tán! Ol qalaǵanyn jaratady. Qalaǵanyna qyz syilaidy (beredi), qalaǵanyna ul syilaidy (beredi). Iaki qalaǵanyna ul men qyzdy birge beredi.» («Shýra» súresi 49 aiat)
Sózsiz «Jeti gúl» filmi qazirgi tańdaǵy ózekti taqyrypqa negizdelgen. Ǵasyrlar boiy ishte saqtalǵan názik jandylar únin qalyń kórermenge ekran arqyly jetkizýge tyrysqan erekshe týyndy. Al bul filmde prodiýserlik qyzmet atqarǵan Buhar Marat kinonyń negizgi ideia avtory:
«Alǵashynda «Jeti gúl» filminiń ideiasy 2023 jyly «Taptym-aý seni» týyndysynyń orynyna oilap tabylǵan edi. Degenmen Dariǵa Badyqova prdiýserlik etken atalmysh filmge basqa oqiǵa jelisi jazylyp, bastapqy ideia bizde qaldy. Sol úshinde bul filmdi ózimiz túsirýdi jón sanadyq. Iaǵni “Jeti gúldiń” stsenariii bas-aiaǵy 2 aidyń tóńireginde jazylǵanymen, onyń ideiasy 1 jyldan asa pisip jetildi deýge bolady. Sizdiń týysyńyz, dosyńyz, kem degende bir tanysyńyzda filmniń siýjetine arqaý bolǵan oqiǵaǵa uqsas sitýatsiianyń bolýy bek múmkin. Keibir januialar bir perzentke zar bolyp júrgende, Qudai bergen qyzdarynyń baǵasyna jete almai júrgen ata-analar ókinishke qarai qoǵamda jeterlik. Osy jáittar «Jeti gúl» filminiń ideiasynyń týýyna túrtki boldy».
Darhan Karipovtyń bul film rejisser retindegi alǵashqy týyndysy. Óziniń debiýttik kinosy týraly rejisserdiń aitar pikiri mynadai:
«Bul «Jeti gúl» óte názik film. Mundaǵy árbir jannyń ózindik minezi, bolmysy, kórermenge aitar oiy, berer nasihaty bar. Kinodaǵy barlyq keiipkerdiń ishki áleminde ózi ǵana túsiner muń men syr jatyr. Sol úshin siz filmdi kórý barysynda jaman adamdy baiqamaisyz. Kerisinshe barlyǵyn óz ishińizde aqtap alasyz».
Tipti bas keiipker Qýattyń ul ańsaimyn dep, óziniń alty qyzyna qataldyq tanytyp ketýiniń ózin film sońynda túsinýge tyrysasyz. Lirikalyq komediia janrynda túsirilgen bul filmde otbasy qundylyǵy, áke tárbiesi, qyz qadiri siiaqty taqyryptardy qozǵai otyra, qarapaiym adam ishindegi san alýan arpalysqa toly sezimderdiń qaqtyǵysy kórsetiledi. Sol úshinde bul týyndy ómirsheń filmder qataryna kiredi degenge senim bar.
Esterińizge sala keteiik, «Jeti gúl» lirikalyq komediiasy 2025 jyldyń 6-naýryzynan bastap kórermenge jol tartady.
Túsirilim toby:
- Rejisser - Darhan Karipov
- Stsenarister - Buhar Marat, Darhan Karipov, Nurjan Arman, Baqytjan Qahar
- Qoiýshy operator - Qanybek Qalmatov
- Qoiýshy sýretshi - Kamila Nýgmanova
- Kompozitor - Abai Aqbaev
- Prodiýserler - Daniiar Hatim (bas prodiýser), Buhar Marat, Anara Júnisova, Anna Chakirtova
Basty rólderde:
- Juldyz - Ulbosyn Shalqarova
- Qýat - Oljas Abai
- Shynar - Madina Ospan
- Jasulan - Nursultan Úsenov
