Jetisý oblysynyń Kóksý aýdanynda jýyrda tazy jáne tóbet itter ósirýge arnalǵan ulttyq ortalyq paida bolady. Ortalyqtyń qurylysy barysymen oblys ákimi Beibit Isabaev tanysyp qaitty. Atap ótsek, qazaqtyń tazy jáne tóbet it tuqymdaryn jańǵyrtýǵa arnalǵan bul keshenniń Qazaqstanda jáne TMD elderinde balamasy joq, dep habarlaidy Dalanews.kz
Óńir basshysy ortalyqta salynǵan nysandardy aralap kórdi. Munda 23 ákimshilik ǵimarat ornalasqan: jataqhana, garaj, jem daiyndaityn as úi, veterinarlyq klinika jáne itterdi ustaityn úi-jailar bar. Sondai-aq itterge arnalǵan júgirý jolaǵy, at qora jáne tazy men tóbetterdi ańshylyqqa, salt atty adammen erip júrýge úiretetin jabyq manej qarastyrylǵan.
- Búkil keshen búgingi kúnge is júzinde daiyn, injenerlik jeliler tartylǵan, qazir abattandyrý jumystary júrgizilýde. Qurylysty maýsym aiynyń sońyna deiin aiaqtaý josparlanǵan. Qazirgi tańda nysanda 100 adam jumys istep jatyr, — dedi merdiger uiymnyń basshysy Rahmet Medet.
Belgili bolǵandai, ortalyqta it ósirý baǵytynda aýqymdy jumys júrgizilmek. Munda Ekologiia jáne tabiǵi resýrstar ministrligi janynan qurylǵan ǵylymi ortalyq jumys istep, aldyn ala málimet boiynsha 50 tazy, 50 tóbet tuqymdy it ustalady.
Atap ótsek, jobany qarjylandyrý «Astana-20» qorynyń demeýshilik qarajaty esebinen júzege asyrylýda.
