AQSh Kongresindegi demokrattar Donald Tramp Iranǵa qatysty áskeri áreketterdi zań shyǵarýshylardyń ruqsatynsyz 1 mamyrdan keiin de jalǵastyrsa, oǵan qarsy sotqa júginý múmkindigin qarastyryp jatyr, dep habarlaidy Dalanews.kz.
Senator Richard Bliýmental "sotqa júginý máselesin qarastyrý qajet" ekenin aitty. Al Ókilder palatasynyń múshesi Ted Liý mundai qadamdy tolyq qoldaitynyn jetkizdi. Onyń sózinshe, bul máseleni sotta qorǵai alatyn myqty dálelder bar.
1973 jyly qabyldanǵan áskeri ókilettikter týraly zańǵa sáikes Kongress soǵys jariialaý týraly daýys bermese nemese kúsh qoldanýǵa ruqsat beretin zań qabyldamasa, prezident 60 kúnnen keiin áskeri operatsiialardy toqtatýǵa tiis.
Qazirge deiin Kongress Iranǵa qatysty áskeri kúsh qoldanýǵa eshqandai ruqsat bermegen. Sonymen qatar, Aq úi mundai ruqsat suraýdy josparlap otyrǵanyn da resmi málimdegen joq.
