Mańǵystaý oblysynda sheteldik nómirmen júrgen shamamen 40 myń kólik áli kúnge deiin zańdastyrylmaǵan. Júrgizýshilerdiń aitýynsha, buǵan ýtilalymnyń tym qymbat bolýy sebep. Qazir onyń mólsheri 2 mln 486 myń 875 teńgege deiin jetedi, dep habarlaidy Dalanews.kz.
Basym bóligi kóligin Grýziiadan keden arqyly zańdy túrde ákelgenin aitady. Alaida Qazaqstanda tirkelmegendikten saqtandyrý rásimdeý de múmkin emes. Sonymen qatar, salynǵan aiyppuldar eki ese esepteledi.
Júrgizýshiler Prezidentke úndeý jasap, ýtilalymdy 25-50 AEK kóleminde bekitýdi usyndy. Bul - shamamen 108 myńnan 216 myń teńgege deiingi soma.
Videoúndeýde júrgizýshilerdiń biri keminde 8 myń kólik osy tártippen zańdastyrylsa, biýdjetke qomaqty qarjy túsetinin aitty. Onyń sózinshe, buǵan qosa jyl saiyn salyq ta tólenedi.
Kólik ieleri tólem jasaýdan bas tartpaitynyn, tek onyń halyqqa qoljetimdi bolǵanyn qalaitynyn jetkizdi.
