ماڭعىستاۋ وبلىسىندا شەتەلدٸك نٶمٸرمەن جٷرگەن شامامەن 40 مىڭ كٶلٸك ەلٸ كٷنگە دەيٸن زاڭداستىرىلماعان. جٷرگٸزۋشٸلەردٸڭ ايتۋىنشا, بۇعان ۋتيلالىمنىڭ تىم قىمبات بولۋى سەبەپ. قازٸر ونىڭ مٶلشەرٸ 2 ملن 486 مىڭ 875 تەڭگەگە دەيٸن جەتەدٸ, دەپ حابارلايدى Dalanews.kz.
باسىم بٶلٸگٸ كٶلٸگٸن گرۋزييادان كەدەن ارقىلى زاڭدى تٷردە ەكەلگەنٸن ايتادى. الايدا قازاقستاندا تٸركەلمەگەندٸكتەن ساقتاندىرۋ رەسٸمدەۋ دە مٷمكٸن ەمەس. سونىمەن قاتار, سالىنعان ايىپپۇلدار ەكٸ ەسە ەسەپتەلەدٸ.
جٷرگٸزۋشٸلەر پرەزيدەنتكە ٷندەۋ جاساپ, ۋتيلالىمدى 25-50 اەك كٶلەمٸندە بەكٸتۋدٸ ۇسىندى. بۇل - شامامەن 108 مىڭنان 216 مىڭ تەڭگەگە دەيٸنگٸ سوما.
ۆيدەوٷندەۋدە جٷرگٸزۋشٸلەردٸڭ بٸرٸ كەمٸندە 8 مىڭ كٶلٸك وسى تەرتٸپپەن زاڭداستىرىلسا, بيۋدجەتكە قوماقتى قارجى تٷسەتٸنٸن ايتتى. ونىڭ سٶزٸنشە, بۇعان قوسا جىل سايىن سالىق تا تٶلەنەدٸ.
كٶلٸك يەلەرٸ تٶلەم جاساۋدان باس تارتپايتىنىن, تەك ونىڭ حالىققا قولجەتٸمدٸ بولعانىن قالايتىنىن جەتكٸزدٸ.
