باسىم بولىگى كولىگىن گرۋزيادان كەدەن ارقىلى زاڭدى تۇردە اكەلگەنىن ايتادى. الايدا قازاقستاندا تىركەلمەگەندىكتەن ساقتاندىرۋ راسىمدەۋ دە مۇمكىن ەمەس. سونىمەن قاتار، سالىنعان ايىپپۇلدار ەكى ەسە ەسەپتەلەدى.

جۇرگىزۋشىلەر پرەزيدەنتكە ۇندەۋ جاساپ، ۋتيلالىمدى 25-50 اەك كولەمىندە بەكىتۋدى ۇسىندى. بۇل - شامامەن 108 مىڭنان 216 مىڭ تەڭگەگە دەيىنگى سوما.

ۆيدەوۇندەۋدە جۇرگىزۋشىلەردىڭ ءبىرى كەمىندە 8 مىڭ كولىك وسى تارتىپپەن زاڭداستىرىلسا، بيۋدجەتكە قوماقتى قارجى تۇسەتىنىن ايتتى. ونىڭ سوزىنشە، بۇعان قوسا جىل سايىن سالىق تا تولەنەدى.

كولىك يەلەرى تولەم جاساۋدان باس تارتپايتىنىن، تەك ونىڭ حالىققا قولجەتىمدى بولعانىن قالايتىنىن جەتكىزدى.