Ersaıyn Naǵaspaev Ónerkásip jáne qurylys mınıstri bolyp taǵaıyndaldy, dep habarlaıdy Dalanews.kz.

"Memleket basshysynyń Jarlyǵymen Ersaıyn Qaıyrǵazyuly Naǵaspaev Qazaqstan Respýblıkasynyń Ónerkásip jáne qurylys mınıstri laýazymyna taǵaıyndaldy", delingen Aqordanyń habarlamasynda. 

Ersaıyn Qaıyrǵazyuly Naǵaspaev — qazaqstandyq memlekettik qyzmetker. 1980 jyly 28 shildede dúnıege kelgen. 1997-2001 jyldary E.A. Bóketov atyndaǵy Qaraǵandy memlekettik ýnıversıtetinde «Halyqaralyq ekonomıkalyq qatynastar» mamandyǵy boıynsha bilim alyp, ekonomıs biliktiligin ıelengen. 

Eńbek jolyn 2001 jyly Temirtaý qalasy ákiminiń apparatynda bastaǵan. Keıin Qazaqstan Respýblıkasy Syrtqy ister mınıstrligi, Kólik jáne komýnıkasıalar mınıstrligi sıaqty memlekettik organdarda ártúrli qyzmetter atqardy. Sondaı-aq, Premer-Mınıstrdiń keńesshisi, «Aqtaý halyqaralyq teńiz porty» RMK-da jumys istedi, Qaraǵandy qalasynyń Qazybek bı aýdany ákiminiń orynbasary jáne Qaraǵandy oblysy ákiminiń keńesshisi laýazymdarynda qyzmet etti. 2013 jyly Shahtınsk qalasynyń ákimi bolyp taǵaıyndaldy.

2013 jyldyń aqpan aıynda Astana qalasy ákiminiń orynbasary qyzmetine kiristi. 

2014 jyldyń jeltoqsanynda «Astana» áleýmettik-kásipkerlik korporasıasy» AQ basqarma tóraǵasy bolyp taǵaıyndaldy. 

2021 jyldyń sáýir aıynan bastap «Qazaqstan temir joly» ulttyq kompanıasynda jańa jobalar jónindegi basqarýshy dırektor qyzmetin atqarýda.