ەرسايىن ناعاسپايەۆ ونەركاسىپ جانە قۇرىلىس ءمينيسترى بولىپ تاعايىندالدى، دەپ حابارلايدى Dalanews.kz.
"مەملەكەت باسشىسىنىڭ جارلىعىمەن ەرسايىن قايىرعازى ۇلى ناعاسپايەۆ قازاقستان رەسپۋبليكاسىنىڭ ونەركاسىپ جانە قۇرىلىس ءمينيسترى لاۋازىمىنا تاعايىندالدى"، دەلىنگەن اقوردانىڭ حابارلاماسىندا.
ەرسايىن قايىرعازى ۇلى ناعاسپايەۆ — قازاقستاندىق مەملەكەتتىك قىزمەتكەر. 1980 جىلى 28 شىلدەدە دۇنيەگە كەلگەن. 1997-2001 جىلدارى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە «حالىقارالىق ەكونوميكالىق قاتىناستار» ماماندىعى بويىنشا ءبىلىم الىپ، ەكونوميست بىلىكتىلىگىن يەلەنگەن. 
ەڭبەك جولىن 2001 جىلى تەمىرتاۋ قالاسى اكىمىنىڭ اپپاراتىندا باستاعان. كەيىن قازاقستان رەسپۋبليكاسى سىرتقى ىستەر مينيسترلىگى، كولىك جانە كوممۋنيكاسيالار مينيسترلىگى سياقتى مەملەكەتتىك ورگانداردا ءارتۇرلى قىزمەتتەر اتقاردى. سونداي-اق، پرەمەر-مينيستردىڭ كەڭەسشىسى، «اقتاۋ حالىقارالىق تەڭىز پورتى» رمك-دا جۇمىس ىستەدى، قاراعاندى قالاسىنىڭ قازىبەك بي اۋدانى اكىمىنىڭ ورىنباسارى جانە قاراعاندى وبلىسى اكىمىنىڭ كەڭەسشىسى لاۋازىمدارىندا قىزمەت ەتتى. 2013 جىلى شاحتينسك قالاسىنىڭ اكىمى بولىپ تاعايىندالدى.
2013 جىلدىڭ اقپان ايىندا استانا قالاسى اكىمىنىڭ ورىنباسارى قىزمەتىنە كىرىستى. 
2014 جىلدىڭ جەلتوقسانىندا «استانا» الەۋمەتتىك-كاسىپكەرلىك كورپوراسياسى» اق باسقارما ءتوراعاسى بولىپ تاعايىندالدى. 
2021 جىلدىڭ ءساۋىر ايىنان باستاپ «قازاقستان تەمىر جولى» ۇلتتىق كومپانياسىندا جاڭا جوبالار جونىندەگى باسقارۋشى ديرەكتور قىزمەتىن اتقارۋدا. 
