28 sáýirden bastap Taldyqorǵannan Almatyǵa qatynaityn kólikter úshin qozǵalys baǵyty ýaqytsha ózgertildi, dep habarlaidy Dala News.
Endi júrgizýshiler Muqyry aýyly arqyly júredi. Bul sheshim jol qaýipsizdigin qamtamasyz etý maqsatynda qabyldanǵan.
Qazirgi ýaqytta Almaty – Óskemen avtojolynyń 213–234 shaqyrym aralyǵynda kúrdeli jóndeý jumystary júrgizilýde. Joba aiasynda jol jabyny tolyq jańartylyp, taý betkeileri tegistelip jatyr. Sonymen qatar sý ótkizý qubyrlary ornatylady.
Atalǵan ýchaskedegi jóndeý jumystary kúzge deiin jalǵasady dep josparlanǵan.
Sondai-aq Taldyqorǵan qalasynan Almaty oblysynyń shekarasyna deiingi baǵytta taǵy úsh ýchaskede orta jóndeý jumystary júrgizilmek.
